സെയ്ഫ് അലി ഖാന്‍ കരീന ദമ്ബതികളുടെ മകന്‍ തൈമൂറിന്റെ വിശേഷങ്ങളും ചിത്രങ്ങളും സോഷ്യല്‍ മീഡിയയില്‍ വാര്‍ത്തയാകുന്നത് പതിവാണ്. എന്നാല്‍ തൈമൂറിന്റെ ഫോട്ടോ ഇനി എടുക്കരുതെന്ന് പാപ്പരസികളോട് അഭ്യര്‍ത്ഥിച്ച് സെയ്ഫ് അലി ഖാന്‍ തന്നെ രംഗത്ത് എത്തിയിരുന്നു. ഇപ്പോള്‍ ദക്ഷിണാഫ്രിക്കയിലെത്തിയപ്പോഴും താരമാകുന്നത് തൈമൂറാണ്.

സെയ്ഫ് അലിഖാനും കരീന കപൂറും ഒന്നിക്കുന്ന പരസ്യ ചിത്രത്തിന്റെ ഷൂട്ടിങ് നടക്കുകയാണ്. ദക്ഷിണാഫ്രിക്കയിലെ കേപ് ടൗണിലെ ഒരു ബീച്ചിലാണ് ഷൂട്ട് നടക്കുന്നത്. പക്ഷേ ആരാധകര്‍ സെയ്ഫ് അലിഖാന്റെയും കരീന കപൂറിന്റെയും മകനായ തൈമൂറിന്റെ പിന്നാലെയാണ്. ബീച്ചില്‍ കളിക്കുന്ന തൈമൂറിന്റെ ഫോട്ടോയാണ് ഓണ്‍ലൈനില്‍ വൈറലാകുന്നത്.

പക്ഷേ എന്തായാലും, ഒരു ലഗേജ് കമ്ബനിക്ക് വേണ്ടി സെയ്ഫ് അലി ഖാനും കരീന കപൂറും ദക്ഷിണാഫ്രിക്കയില്‍ എത്തിയപ്പോഴും തൈമൂറിന്റെ ഫോട്ടോകളാണ് ആരാധകര്‍ ഏറ്റെടുത്തിരിക്കുന്നത്.