സര്‍വ്വ മംഗള ദായിണിയായ ആറ്റുകാലമ്മയുടെ തിരുമുറ്റത്ത് പൊങ്കാലയിടാന്‍ ഇത്തവണ പ്രശസ്ത താരം കല്‍പനയുണ്ടാവില്ല. എല്ലാ വര്‍ഷവും മുടങ്ങാതെ പൊങ്കാലയിടാന്‍ വരുന്ന താരങ്ങളുടെ പട്ടികയില്‍ കല്‍പനയുമുണ്ടാകാറുണ്ട്. പക്ഷേ ഈ ലോകത്തു നിന്നും കല്‍പന പോയതോടെ കല്‍പനയുടെ ഓര്‍മ്മകള്‍ മാത്രം ബാക്കിയായി.

കല്‍പന, ചിപ്പി, കലാരഞ്ജിനി, സീമ ജി നായര്‍, ബീന ആന്റണി എന്നിവര്‍ പലപ്പോഴും ഒന്നിച്ചാണ് പൊങ്കാലയ്ക്കായി എത്തുന്നത്. ഇത്തവണ തങ്ങളുടെ പ്രിയ കൂട്ടുകാരിയുടെ വിയോഗത്തിന്റെ നടുക്കത്തിലാണ് പല താരങ്ങളും പൊങ്കാലയിടുന്നത്.
ആറ്റുകാലമ്മയില്‍ അകമഴിഞ്ഞ് വിശ്വസിക്കുന്നവളായിരുന്നു കല്‍പന. ഏതൊരു നല്ല കാര്യത്തിനും അമ്മയുടെ പ്രാര്‍ത്ഥനയുമായേ കല്‍പന ഇറങ്ങാറുള്ളൂ. ജീവിതത്തില്‍ പലപ്പോഴും സങ്കടങ്ങള്‍ വന്നപ്പോഴും ആറ്റുകാലമ്മയായിരുന്നു തുണ.
എല്ലാ വര്‍ഷവും അമ്മയുടെ തിരുമുമ്പില്‍ എല്ലാ സങ്കടങ്ങളും അര്‍പ്പിക്കാന്‍ കല്‍പന മുടങ്ങാതെത്തും. ആറ്റുകാലമ്മയുടെ മാഹാത്മ്യം മറ്റ് സുഹൃത്തുക്കളോട് വിവരിക്കുകയും ചെയ്തു. തികഞ്ഞ ഭക്തയായ കല്‍പന എല്ലാ വ്രതശുദ്ധിയോടും കൂടിയാണ് പൊങ്കാലയിടാന്‍ എത്തുന്നത്. പാരമ്പര്യ വിധിപ്രകാരം മണ്‍കലത്തിലാണ് കല്‍പന പൊങ്കാല ഇട്ടിരുന്നത്. ഇടയ്ക്ക് തലവേദന മാറാനുള്ള മണ്ടപ്പുറ്റും മറ്റ് നിവേദ്യങ്ങളും നടത്താറുണ്ടായിരുന്നു.

ഇത്തവണത്തെ പൊങ്കാലയ്ക്കും താന്‍ എത്തുമെന്ന് കല്‍പന പറഞ്ഞിരുന്നു. പക്ഷെ എല്ലാം ബാക്കി...
ഈ പൊങ്കാല കാലമാകുമ്പോള്‍ ഏവരുടേയും മനസില്‍ ഓടിയെത്തുന്ന മരിക്കാത്ത ഓര്‍മ്മയാണ് കല്‍പന.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha