ബോളിവുഡ് താരമായ സണ്ണി ലിയോണ്‍ എന്ന നടിയെ നമ്മുടെ താരങ്ങള്‍ ആദരിക്കുമ്പോള്‍, ഷക്കീലയെ പോലെയുള്ളവര്‍ ഇപ്പോഴും അവഗണിക്കപ്പെടുന്നു. ഷക്കീലയ്‌ക്കൊപ്പം വേദി പങ്കിടാന്‍ ഇവിടെ എത്രപേര്‍ തയ്യാറാകും. മുറ്റത്തെ മുല്ലക്ക് മണമില്ല എന്ന ചൊല്ല് വളരെ ശരിയാണ്... തന്റെ പരിഭവങ്ങളെല്ലാം ഇത്രയും കാലം അടക്കി പിടിച്ചത് നല്ല വേഷങ്ങള്‍ തേടിയെത്തുമെന്നും നാളെ താനും ഇതുപോലെ അംഗീകരിക്കപ്പെടും എന്ന് ഒരു പ്രമുഖ ഓണ്‍ലൈന്‍ മാധ്യമത്തോട് ഷക്കീല പറഞ്ഞു.
തനിക്ക് ഇതെല്ലാം ശുഭപ്രതീക്ഷകളാണ് നല്‍കുന്നത്, പോണ്‍സ്റ്റാര്‍ എന്ന വിശേഷണത്തില്‍ നിന്ന് ഏവര്‍ക്കും സ്വീകാര്യയായ നടിയെന്ന നിലയിലേക്ക് സണ്ണി ലിയോണിന്‍ എത്തിച്ചേരാനായത് തനിക്കും ശുഭപ്രതീക്ഷകള്‍ തരുന്നുവെന്ന് ഷക്കീല പറയുന്നു. ദൈവാനുഗ്രഹം കൊണ്ട് സണ്ണി ലിയോണിന് അവസരം ലഭിച്ചു. എന്നാല്‍ തനിക്ക് അങ്ങനെയൊരു അവസരം ലഭിച്ചില്ല. ഇഷ്ടപ്പെടുന്നതും വെറുക്കുന്നതുമെല്ലാം പ്രേക്ഷകരുടെ താത്പര്യമാണെങ്കിലും സിനിമാരംഗത്തു നിന്ന് പിന്തുണ ലഭിക്കാത്തതില്‍ വളരെ വിഷമമുണ്ട്, ഷക്കീല പറയുന്നു. 15 വര്‍ഷത്തോളം താന്‍ ദക്ഷിണേന്ത്യന്‍ സിനിമാരംഗത്ത് സജീവമായിരുന്നു. ഇങ്ങനെയൊക്കെ സംഭവിച്ചതില്‍ ആരെയും കുറ്റംപറയാനാകില്ല.
ഒരു പരിചയവുമില്ലാത്ത പുരുഷനൊപ്പം, ധാരാളം വൈകാരികരംഗങ്ങളില്‍ ഞാന്‍ അഭിനയിച്ചിട്ടുണ്ട്. എന്നാല്‍ അതുമാത്രമല്ല, എനിക്ക് കരയാനുമറിയാം, പ്രേക്ഷകരെ ചിരിപ്പിക്കാനറിയാം. പ്രേക്ഷകര്‍ എന്നും എന്നെ സ്‌നേഹിച്ചിട്ടുണ്ട്, ചിലര്‍ നല്ലരീതിയിലും ചിലര്‍ മോശമായ രീതിയിലും. എന്നിട്ടും എന്നില്‍ വിശ്വാസം അര്‍പ്പിക്കാന്‍ സംവിധായകര്‍ തയാറാകുന്നില്ല. അഭിനയപ്രാധാന്യമുള്ള വേഷം ലഭിച്ചാല്‍, നന്നായി അഭിനയിക്കാമെന്ന ആത്മവിശ്വാസമുണ്ട്. അത് തെളിയിച്ചുകാണിക്കാന്‍ ഒരവസരം ലഭിക്കണമെന്നു മാത്രമാണ് ഇപ്പോഴത്തെ ഏക പ്രാര്‍ത്ഥന ഷക്കീല പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha