ലോകത്ത് എവിടെ പോയാലും കഴിക്കാന്‍ ആഗ്രഹിക്കുന്ന ആഹാരം ഏതെന്ന് ചോദിച്ചാല്‍ പൃഥ്വിരാജ് ഉടന്‍ പറയും; ചോറും മീന്‍ കറിയും. ഏത് മലയാളിയെയും പോലെ തനിക്കും അതാണ് ഇഷ്ടം. പക്ഷെ, അത് എന്നും കഴിക്കാനൊക്കില്ല. ഇപ്പോഴത്തെ ആഹാര രീതി എന്ന് പറയുന്നത് ചെയ്യുന്ന കഥാപാത്രങ്ങള്‍ക്ക് അനുസരിച്ചാണ്. അതുകൊണ്ട് പലപ്പോഴും ഇഷ്ട ഭക്ഷണം ഒഴിവാക്കേണ്ടി വരും. ആഹാരം ഒരു പാട് ഇഷ്ടമാണ് താനും. പക്ഷെ, അഭിനയത്തിനായി എല്ലാം പലപ്പോഴും ഒഴിവാക്കും.

ഏറ്റവും കൂടുതല്‍ ആസ്വദിക്കുന്ന നടന്‍ ഏത് മലയാളിയേയും പോലെ മോഹന്‍ലാലാണെന്ന് പൃഥ്വിരാജ് പറഞ്ഞു. അദ്ദേഹത്തിന്റെ പല സിനിമകളും ആവര്‍ത്തിച്ച് കണ്ടിട്ടുണ്ട്. വളരെ സ്വാഭാവികമായാണ് അഭിനയം. ഇഷ്ടമുള്ള സിനിമ ഏതാണെന്ന് ചോദിച്ചാല്‍ പറയാന്‍ ബുദ്ധിമുട്ടാണ്. കാരണം ഒരു പാട് നല്ല സിനിമകള്‍ കണ്ടിട്ടുണ്ട്. പക്ഷെ, സിനിമാ പാരഡൈസോ എന്ന സിനിമയോട് പ്രത്യേക ഇഷ്ടമുണ്ട്. കാരണം ഏത് കാലത്തും കാണാന്‍ പറ്റുന്ന സിനിമയാണത്.

ഏറ്റവും കൂടുതല്‍ ഇഷ്ടപ്പെട്ട പുസ്തകം ഇംഗ്ലീഷ് എഴുത്തുകാരന്‍ അയന്‍ റാന്‍ഡിന്റെ ഫൗണ്ടയിന്‍ ഹെഡ് എന്ന ഫിലോസഫിക്കല്‍ നോവലാണ്. മലയാള പുസ്തകങ്ങളുടെ വായന കുറവാണ്. പക്ഷെ, തിരക്കഥകള്‍ വായിക്കും. ചെയ്യുന്ന സിനിമകളുടെ തിരക്കഥ പൂര്‍ണമായും ലഭിച്ചാല്‍ വലിയ സന്തോഷം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha