ഒരു കാലത്ത് മലയാള സിനിമയില്‍ ശക്തനായ വില്ലനായും അച്ഛനായും അമ്മാവനായും തിളങ്ങിയിരുന്ന ജഗന്നാഥവര്‍മ ഇപ്പോള്‍ സിനിമയില്‍ അഭിനയിക്കുന്നില്ല. ബോക്‌സര്‍ എന്ന സിനിമയുടെ ചിത്രീകരണത്തിനിടെ തലയില്‍ വെച്ച് പൊട്ടിച്ച ഡമ്മി ബോംബിന്റെ ചീള് കണ്ണില്‍ പതിച്ചിരുന്നു. അന്ന് ചികില്‍സ നടത്തിയെങ്കിലും കാലക്രമേണ ഇടത് കണ്ണിന്റെ കാഴ്ച നഷ്ടപ്പെട്ടു. അതോടെ സിനിമകളും അദ്ദേഹം കുറച്ചു. ഇപ്പോള്‍ എഴുനേറ്റ് നിന്നോ, നടന്നോ അഭിനയിക്കാന്‍ പറ്റില്ല.
അടുത്തിടെ ഒരു സിനിമയിലും തമിഴ് സീരിയലിലും അഭിനയിച്ചു. സിനിമയില്‍ ബിഷപ്പിന്റെ വേഷമായിരുന്നു. അത് ഇരുന്ന് കൊണ്ട് ചെയ്തു. സീരിയലില്‍ അപ്പൂപ്പന്റെ വേഷമാണ്. അതും അങ്ങനെ തന്നെ അഭിനയിക്കുന്നു. കഥകളി നടനായ ജഗന്നാഥവര്‍മ അതും കളിക്കുന്നുണ്ട്. പോരാത്തതിന് ചെണ്ട കൊട്ടാനും പഠിച്ചു. സിനിമയില്‍ ജോഷിയാണ് നല്ല വേഷങ്ങള്‍ തന്നതെന്ന് അദ്ദേഹം ഓര്‍മിക്കുന്നു. സിനിമയില്‍ ഏറ്റവും ഇഷ്ടമുള്ള വ്യക്തി തിക്കുറിശിയാണ്. എല്ലാ നടന്‍മാരെയും ഒരു പോലെ കാണുന്നയാളായിരുന്നു തിക്കുറിശി എന്നും ജഗന്നാഥ വര്‍മ പറഞ്ഞു.
ഇപ്പോള്‍ തിരുവനന്തപുരത്തെ വസതിയില്‍ വിശ്രമത്തിലാണ് ജഗന്നാഥ വര്‍മ. മലയാളത്തില്‍ പ്രേംനസീറും സത്യനും തുടങ്ങി ഏതാണ്ടെല്ലാ മുന്‍നിര താരങ്ങള്‍ക്കൊപ്പവും അഭിനയിച്ചു. ഇപ്പോള്‍ അതിന്റെ നല്ല ഓര്‍മകളുമായി ജീവിക്കുകയാണ്. മകന്‍ മനുവര്‍മ സീരിയലുകളിലും സിനിമകളിലും അഭിനയിക്കുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha