പ്രേതത്തിന് വേണ്ടി ജയസൂര്യ മൊട്ടയടിച്ചതിന് പിന്നാലെ ജയറാമും മൊട്ടയടിച്ചു. ഭഗമതി എന്ന തെലുങ്ക് ചിത്രത്തിന് വേണ്ടിയാണ് താരം പുതിയ ഗെറ്റപ്പിലായത്. ആട്പുലിയാട്ടത്തിന് വേണ്ടി സാള്‍ട്ട് ആന്റ് പെപ്പര്‍ ലുക്ക് പരീക്ഷിച്ചിരുന്നു. ഭഗമതിയിലും സാള്‍ട്ടാന്‍ പെപ്പര്‍ ലുക്കുണ്ട്. ഒപ്പം നീട്ടി വളര്‍ത്തിയ താടിയും. ജയറാമും അനുഷ്‌ക ഷെട്ടിയുമാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. തബുവാണ് മറ്റൊരു പ്രധാന കഥാപാത്രം. തെലുങ്ക് നടന്‍ ആദിയും ജയറാമിന് ഒപ്പം തുല്യ വേഷത്തില്‍ അഭിനയിക്കുന്നുണ്ട്. 

തന്റെ ചിത്രങ്ങള്‍ തുടര്‍ച്ചയായി പരാജയപ്പെട്ടതോടെയാണ് ജയറാം പരീക്ഷണങ്ങള്‍ക്ക് തയ്യാറായത്. മാത്രമല്ല തെലുങ്ക് ചിത്രത്തില്‍ നെഗറ്റീവ് റോളാണ് താരം ചെയ്യുന്നതും. കൊറിയോഗ്രാഫറായ ബി.അശോകാണ് ചിത്രം സംവിധാനം ചെയ്തത്. ഒരേ സമയം തമിഴിലും തെലുങ്കിലുമാണ് ചിത്രം ഷൂട്ട് ചെയ്യുന്നത്. അതേസമയം ആട് പുലിയാട്ടം കൊമേഴ്‌സ്യല്‍ ഹിറ്റായിട്ടും ജയറാമിന് പുതിയ മലയാള സിനിമ കരാറായിട്ടില്ല. ഒരുപാട് നാളുകള്‍ക്ക് ശേഷമാണ് ജയറാമിന് ഒരു കൊമേഴ്‌സ്യല്‍ ബ്രേക്ക് ലഭിക്കുന്നത്. 

ചിത്രത്തിന് വേണ്ടി ജയറാം എട്ട് കിലോയോളം കുറച്ചു. ഇതുവരെ കാണാത്ത ലുക്കായിരിക്കും ചിത്രത്തിലെന്ന് അണിയപ്രവര്‍ത്തകര്‍ പറയുന്നു. മൊട്ടയടിച്ച ശേഷം കുടുംബവുമൊത്ത് തമിഴ്‌നാട്ടിലെ വിവിധ ക്ഷേത്രങ്ങളില്‍ താരം സന്ദര്‍ശനം നടത്തി. അതേസമയം ആട് പുലിയാട്ടത്തിന്റെ സാമ്പത്തിക വിജയം തനിക്ക് മാത്രമല്ല നിരവധി സാധുക്കള്‍ക്കും സഹായകമായെന്ന് ജയറാം പരഞ്ഞു. പെരുമ്പാവൂരില്‍ കൊല്ലപ്പെട്ട ജിഷയുടെ കുടുംബത്തിനടക്കം നിര്‍മാതാക്കള്‍ സാമ്പത്തിക സഹായം നല്‍കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha