മമ്മൂക്കയുടെ കസബയ്ക്ക് ആശംസ നേര്ന്ന് മോഹന്ലാല്
നിതിന് രഞ്ജി പണിക്കര് ഒരുക്കുന്ന മമ്മൂട്ടി ചിത്രം 'കസബ'യക്ക് എല്ലാവിധ ആശംസകളും നേര്ന്നിരിക്കുകയാണ് മോഹന്ലാല്. 'നിതിന് രഞ്ജി പണിക്കറിന്റെ ആദ്യ ചിത്രം കസബ നാളെ റിലീസ് ചെയ്യുകയാണ്. ചിത്രത്തിലെ എല്ലാ അണിയറ പ്രവര്ത്തകര്ക്കും എന്റെ ആശംകള്' എന്ന് ലാലേട്ടന് ഫെയ്സ്ബുക്കില് കുറിച്ചു.
ഇന്ന് റിലീസായ മഞ്ജുവാര്യര്, അനൂപ് മേനോന് ചിത്രം കരിങ്കുന്നം സിക്സസിനും ലാലേട്ടന് ആശംസകള് നേര്ന്നിട്ടുണ്ട്. സിഐ രാജന് സക്കറിയയാണ് മമ്മൂട്ടി കഥാപാത്രം. വരലക്ഷ്മി ശരത്കുമാറാണ് ചിത്രത്തില് നായിക. ബംഗളൂരു, ബംഗാരപ്പെട്ട്, കൊച്ചി എന്നിവിടങ്ങളിലായി ചിത്രീകരിച്ച 'കസബ'യില് സമ്പത്ത് നെഗറ്റീവ് റോളിലെത്തുന്നു. ഒരു സുപ്രധാന കേസിലെ തെളിവ് തേടി കേരളാ കര്ണാടക അതിര്ത്തിയിലെത്തുന്ന പൊലീസ് ഓഫീസറാണ് രാജന് സക്കറിയ. അയാള് പിന്നീട് നേരിടുന്ന പ്രതിസന്ധികളിലൂടെയാണ് ചിത്രം നീങ്ങുന്നത്.
ആക്ഷന് എന്റര്ടെയിനര് സ്വഭാവത്തിലാണ് സിനിമ. സിദ്ദിഖ്, ജഗദീഷ്, രണ്ജി പണിക്കര്, നേഹാ സക്സേന എന്നിവരും ചിത്രത്തിലുണ്ട്. ജോ ആന്ഡ് ദി ബോയ് എന്ന സിനിമയുടെ നിര്മ്മാതാക്കളായ ഗുഡ് വില് എന്റര്ടെയിന്മെന്റാണ് കസബ നിര്മ്മിക്കുന്നത്. രാഹുല് രാജ് സംഗീതവും സമീര് ഹഖ് ഛായാഗ്രഹണവും നിര്വഹിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
