മഞ്ജു വാര്യര്‍ കരിങ്കുന്നം സിക്‌സസ് എന്ന ചിത്രത്തില്‍ അഭിനയിക്കുമ്പോഴാണ് മറക്കാനാവാത്ത ആ അനുഭവം ഉണ്ടാകുന്നത്. ടച്ചപ്പ് പോലുമില്ലാതെ പൊരി വെയിലത്താണ് താരം നിന്നത്.
ചിത്രീകരണം ജയിലിനകത്താണ്. ജയിലിനകത്ത് കുട അനുവദിക്കില്ല. പ്രൊഡക്ഷന്‍ ടീമിന്റെ കാര്യത്തില്‍ പോലും കാര്യമായ വെട്ടിച്ചുരുക്കല്‍. അതുകൊണ്ട് തന്നെ ടച്ചപ്പ് ബോയ് ഒപ്പമില്ല. പൊരി വെയിലത്ത് ബില്‍ഡിങ്ങിന്റെ ഷെയിഡില്‍ നിന്നാണ് മഞ്ജു വെയിലിനെ അതിജീവിച്ചത്. സണ്‍ക്രീമുകളെ വിശ്വസിച്ചാവും മഞ്ജു വെയിലിലിറങ്ങിയതെന്ന് അനൂപ് മേനോന്‍. ചിത്രത്തിന്റെ സംവിധായകന്‍ ദീപു കരുണാകരനും അനൂപ് മേനോനും മഞ്ജുവിന്റെ അര്‍പ്പണ ബോധത്തെ അഭിനന്ദിക്കുന്നതിനൊപ്പം നന്ദിയോടെ സ്മരിക്കുകയും ചെയ്തു. കാര്യം അറിയുമ്പോള്‍ മൂക്കത്ത് വിരല്‍വച്ചവര്‍ കയ്യടിക്കുമെന്ന് ഉറപ്പ്.