സിനിമാരംഗത്തും ദേശീയമാധ്യമങ്ങളിലടക്കം ഞെട്ടിച്ച വാര്‍ത്തയായിരുന്നു അമല പോളും എ എല്‍ വിജയ്‌യുമായുള്ള വിവാഹമോചന വാര്‍ത്ത. ഇതുസംബന്ധിച്ച വാര്‍ത്ത വന്നെങ്കിലും ഈ വിഷയത്തില്‍ ഇരുവരും പ്രതികരണവുമായി എത്താതിരുന്നതും ചൂടു കൂട്ടി. രണ്ടു വര്‍ഷം നീണ്ടു നിന്ന വിവാഹബന്ധത്തിന് എങ്ങനെ വിള്ളല്‍ വീണുവെന്ന കാര്യം ഇതുവരെയും വ്യക്തമല്ല.
വിവാഹശേഷമുള്ള അമലയുടെ സിനിമാ മോഹമാണ് ബന്ധത്തിന് വിള്ളല്‍ വീഴാന്‍ കാരണമെന്നാണ് അടുത്തവൃത്തങ്ങള്‍ സൂചിപ്പിക്കുന്നത്. വിവാഹത്തിന് ശേഷം അമല തുടര്‍ച്ചയായി ചിത്രങ്ങളില്‍ കരാര്‍ ഒപ്പിടുകയായിരുന്നു. ഇത് വിജയ്‌യുടെ മാതാപിതാക്കളെ അസ്വസ്ഥരാക്കിയിരുന്നെന്നാണ് റിപ്പോര്‍ട്ട്. മാത്രമല്ല അമലയുടെയും വിജയ്‌യുടെയും ജീവിതരീതിയിലും ഒത്തൊരുമ ഇല്ലായിരുന്നെന്നും അടുത്തസുഹൃത്തുക്കളും വ്യക്തമാക്കി.
ഈ വിഷയത്തില്‍ വിജയ്‌യുടെ ഞെട്ടിപ്പിക്കുന്ന വെളിപ്പെടുത്തലുകള്‍. ഇപ്പോള്‍ ഇതിനെക്കുറിച്ച് ഒന്നും പറയാന്‍ ഞാന്‍ ആഗ്രഹിക്കുന്നില്ല. കുടുംബങ്ങള്‍ ഇതില്‍ ബന്ധപ്പെട്ട് കിടക്കുന്നു. എന്തുതന്നെ ആയാലും ഞാന്‍ എന്റെ മാതാപിതാക്കളുടെ തീരുമാനവുമായി മുന്നോട്ട് പോകും. വിജയ് പറയുന്നു. എന്നാല്‍ അമല പോള്‍ ഈ വിഷയത്തില്‍ പ്രതികരിക്കാന്‍ തയാറാല്ല.
2011ല്‍ പുറത്തിറങ്ങിയ ദൈവ തിരുമകള്‍ എന്ന ചിത്രത്തില്‍ അഭിനയിക്കുമ്പോഴാണ് സംവിധായകന്‍ എഎല്‍ വിജയ്‌യുമായി അമല പോള്‍ പ്രണയത്തിലാകുന്നത്. ജൂണ്‍ 7ന് വിവാഹനിശ്ചയം കഴിഞ്ഞ് 2014 ജൂണ്‍ 12നായിരുന്നു വിവാഹം.മലയാളത്തിലെ പ്രമുഖ നടനുമായുള്ള അടുപ്പമാണ് വേര്‍പിരിയലിന് കാരണം എന്നും സംസാരമുണ്ട്. 
ഷാജാഹാനും പരീക്കുട്ടിയും എന്ന മലയാള ചിത്രത്തിലാണ് അമല പോള്‍ ഒടുവില്‍ അഭിനയിച്ചത്. ധനുഷ് കേന്ദ്ര കഥാപാത്രത്തെ അവതരിപ്പിക്കുന്ന വട ചെന്നൈയില്‍ അഭിനയിക്കാനുള്ള തിരക്കിലാണിപ്പോള്‍ നടി. കിച്ച സുദീപ് നായകനാകുന്ന തെലുങ്ക് ചിത്രത്തിലും നടി കരാര്‍ ഒപ്പിട്ടിട്ടുണ്ട്. അമ്മ കണക്ക് ആണ് അമല അവസാനമായി അഭിനയിച്ച തമിഴ് ചിത്രം.
എ എല്‍ വിജയ്‌യുടെ പുതിയ ചിത്രവും റിലീസിനൊരുങ്ങുകയാണ്. ഡെവിള്‍ എന്നുപേരിട്ടിരിക്കുന്ന ചിത്രത്തില്‍ പ്രഭുദേവയാണ് നായകന്‍. മറ്റൊരു കാര്യം കൂടിയുണ്ട്. ഈ സിനിമയില്‍ വില്ലനായി എത്തുന്നത് അമല പോളിന്റെ സഹോദരനായ അഭിജിത്ത് പോള്‍ ആണ്.