യുവാക്കള്‍ക്കും കുട്ടികള്‍ക്കും ഏറെ ഇഷ്ടമുള്ള നടനാണ് ഇളയദളപതി വിജയ്. തന്നെ സ്‌നേഹിക്കുന്ന ആരാധകരെ വിജയ് വെറുപ്പിക്കില്ല. മാത്രമല്ല തന്റെ ആരാധകരുടെ ആഗ്രഹങ്ങള്‍ക്കൊപ്പം നിന്ന് അത് നിറവേറ്റിതരാനും മടിയില്ലാത്ത താരം.

അങ്ങനെയൊരു കുട്ടി ആരാധകയുടെ ആഗ്രഹമായിരുന്നു ഇളയദളപതിയെ നേരിട്ട് കാണണമെന്നത്. ഈ കുട്ടി ആകട്ടെ സംവിധായകന്‍ എ ആര്‍ മുരുകദോസിന്റെ കുടുംബസുഹൃത്തിന്റെ മകള്‍ കൂടിയാണ്. ആ ആഗ്രഹം ആദ്യം പറഞ്ഞതും മുരുകദോസ് അങ്കിളിനോട്.

എന്നാല്‍ മുരുകദോസ് അപ്പോള്‍ തന്നെ ഒരു നിബന്ധന വച്ചു. വരുന്ന ബോര്‍ഡ് എക്‌സാമില്‍ സ്‌റ്റേറ്റ് റാങ്ക് നേടിയാല്‍ വിജയ്‌യെ പരിചയപ്പെടുത്തി തരാമെന്നായിരുന്നു ആ നിബന്ധന. അങ്ങനെ ആ മിടുക്കി നന്നായി പഠിക്കുകയും പരീക്ഷയ്ക്ക് ഉന്നതവിജയം നേടി റാങ്ക് കരസ്ഥമാക്കുകയും ചെയ്തു.

മുരുകദോസ് പരീക്ഷാഫലം അറിഞ്ഞ ഉടന്‍ തന്നെ വിജയ്‌യെ വിളിച്ച് കാര്യം അറിയിക്കുകയും ആ മിടുക്കിയെ ഉടന്‍ കാണണമെന്ന് വിജയ് ഇങ്ങോട്ട് പറയുകയുമായിരുന്നു. ഭരതന്‍ സംവിധാനം ചെയ്യുന്ന പുതിയ സിനിമയുടെ സെറ്റിലെത്തിയാണ് മുരുകദോസും കുട്ടി ആരാധകരെയും വിജയ്‌യെ കണ്ടത്.