മോഹന്‍ലാലിന്റെ ഡബ്ബിംഗ് ശെരിയാകാത്തതിനെ തുടര്‍ന്ന് സംവിധായകന്‍ കൊരാട്ടാല ശിവ കരയുന്നുവെന്ന് തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്തു. എത്ര ശ്രമിച്ചിട്ടും മോഹന്‍ലാലിന്റെ ഡബ്ബിംഗ് മോഡുലേഷനോടെ കൃത്യമായി ലഭിക്കുന്നില്ല എന്നാണ് പറയുന്നത്.
ചന്ദ്രശേഖര്‍ യെലേട്ടിയെ കണ്ട് താന്‍ എടുത്ത തീരുമാനം തെറ്റായി പോയെന്നാണ് സംവിധായകന്‍ കൊരട്ടാല പറയുന്നത്. ഇതേ തുടര്‍ന്ന് സംവിധായകന്‍ ലാലിന്റെ കഥാപാത്രത്തിന് വേണ്ടി ഡബ്ബിംഗ് ആര്‍ട്ടിസ്റ്റിനെ തിരയുകയാണെന്നും കേള്‍ക്കുന്നു. ജുനിയര്‍ എന്‍ ടി ആര്‍ നായകനാകുന്ന കൊരട്ടാലയുടെ 'ജനത ഗരേജ്' എന്ന ചിത്രത്തിനു വേണ്ടിയുള്ള മോഹന്‍ലാലിന്റെ ഡബ്ബിംഗാണ് ശെരിയാകാത്തത്. ചിത്രത്തില്‍ മോഹന്‍ലാല്‍ പ്രധാന വേഷമാണ് ചെയ്യുന്നത്.
'മനമാന്ത' എന്ന ചിത്രത്തിന് വേണ്ടി സംവിധായകന്‍ നിര്‍ബന്ധിച്ചതിനെ തുടര്‍ന്നാണ് മോഹന്‍ലാല്‍ ഡബ്ബ് ചെയ്യാന്‍ തീരുമാനിച്ചത്. ഇതിനായി തെലുങ്ക് പഠിച്ച ശേഷം ലാല്‍ ഡബ്ബ് ചെയ്യുകയായിരുന്നു. 'മനമാന്ത' യ്ക്ക് വേണ്ടി ലാല്‍ തെലുങ്ക് പഠിച്ചെന്നറിഞ്ഞ കൊരട്ടാല ശിവ, തന്റെ ചിത്രത്തിലും ലാല്‍ തന്നെ ഡബ്ബ് ചെയ്യട്ടെ എന്ന് തീരുമാനിക്കുകയായിരുന്നു.
മോഹന്‍ലാലിന്റെ ഡബ്ബിംഗിലെ പോരായ്മയാണ് ചിത്രത്തിന്റെ റിലീസ് വൈകുന്നതെന്നും പറയുന്നു. സെപ്റ്റംബര്‍ രണ്ടിന് ചിത്രം റിലീസ് ചെയ്യുമെന്നാണ് നിലവിലെ വിവരം.
മനമാന്തയുടെ ട്രെയിലറും ടീസറും ഇറങ്ങിയപ്പോഴും മോഹന്‍ലാലിന്റെ ഡബ്ബിംഗ് സംബന്ധിച്ച വിമര്‍ശനങ്ങള്‍ തെലുങ്ക് സിനിമയ്ക്കകത്ത് ഉണ്ടായിരുന്നു. സംഭാഷണങ്ങള്‍ വ്യക്തമല്ലെന്നും മോഡുലേഷന്‍ ഇല്ലെന്നുമൊക്കെയായിരുന്നു അന്നും വിമര്‍ശള്‍ ഉണ്ടായത്.