എറണാകുളത്തെ കാക്കനാട് സീപോര്‍ട്ട് എയര്‍പോര്‍ട്ട് റോഡിലാണ് നടന്‍ സിദ്ധിഖിന്റെ മമ്മാമിയാ ഹോട്ടല്‍. നഗരത്തിലെ താര ഹോട്ടലുകളില്‍ ഏറ്റവും കൂടുതല്‍ തിരക്കുള്ളതും ഇവിടെ തന്നെ. ഹോട്ടലിന്റെ ഉദ്ഘാടനം നിര്‍വ്വഹിച്ചത് മമ്മുട്ടിയാണ്.

ഒരിക്കല്‍ മമ്മുക്ക സിദ്ധിക്കിനോട് പറഞ്ഞു 'സുല്‍ഫത്ത്(മമ്മൂട്ടിയുടെ ഭാര്യ) ചെമ്മീന്‍ വച്ച് ഒരുതരം ടിക്കയുണ്ടാക്കും. അത് ഇവിടെ പരീക്ഷിച്ചാലെന്താ?' മമ്മുക്കയുടെ ഭാര്യ നല്ലൊരു കുക്കാണെന്ന് അറിയാത്ത സിനിമാക്കാരില്ല. മമ്മൂട്ടിയുടെ വീട്ടില്‍ എപ്പോള്‍ ചെന്നാലും എന്തെങ്കിലും വിഭവങ്ങള്‍ സുല്‍ഫത്ത് സിനിമാക്കാര്‍ക്ക് ഉണ്ടാക്കികൊടുക്കും. അങ്ങനെ സുല്‍ഫത്തിന്റെ റെസീപ്പിയില്‍ സിദ്ധിഖ് ചെമ്മീന്‍ ടിക്കയുണ്ടാക്കി. ചെമ്മീനോടൊപ്പം ചിക്കനും ചേര്‍ത്താണ് അതുണ്ടാക്കുന്നത്. അത് മമ്മൂക്ക നിര്‍ദ്ദേശിച്ചതുകൊണ്ടായതുകൊണ്ട് അതിന് പേരുമിട്ടു മമ്മൂട്ടിക്ക. ഇവിടെ വളരെ ഡിമാന്റുള്ള ഒരു ഡിഷാണത്.  

മമ്മൂട്ടിക്ക കഴിക്കാന്‍ അടുത്തിടെ ദിലീപും നാദിര്‍ഷയും അടക്കമുള്ളവര്‍ എത്തിയിരുന്നു. മഹേഷിന്റെ പ്രതികാരത്തില്‍ മമ്മൂട്ടിക്കായ്ക്ക് ഇഷ്ടമുള്ള കമ്മട്ടിക്കാ ജ്യൂസ് എന്ന് പറയുന്നുണ്ടെങ്കിലും ശരിക്കും ഇതാണ് കിടിലം ഭക്ഷണമെന്ന് ദിലീപ് അടക്കമുള്ള താരങ്ങള്‍ പറയുന്നു. സിദ്ധിഖിന്റെ മകന്റെ നിര്‍ബന്ധത്തിന് വഴങ്ങിയാണ് ഹോട്ടല്‍ തുടങ്ങിയത്. ചെമ്മീന്‍ ബിരിയാണി അടക്കമുളള വിഭവങ്ങള്‍ ഇവിടെയുണ്ട്. ചെമ്മില്‍ ഇലയില്‍ വേവിച്ചെടുത്താണ് ബിരിയാണ് ഉണ്ടാക്കുന്നത്. മോഹന്‍ലാല്‍ ഇടയ്ക്കിടെ ഇത് ഓര്‍ഡര്‍ ചെയ്ത് വാങ്ങിക്കാറുണ്ട്. രാത്രി ആളില്ലാത്ത സമയത്ത് മോഹന്‍ലാല്‍ എത്തി കുക്കുകളോട് സംസാരിക്കാറുണ്ട്. മോഹന്‍ലാലും നല്ലൊരു കുക്കാണ്.  

മോഹന്‍ലാലിന്റെ കൂടു നിര്‍ദ്ദേശങ്ങള്‍ സ്വീകരിച്ചാണ് സിദ്ധിഖ് ഹോട്ടലിന്റെ നടത്തിപ്പ് സുഗമമാക്കുന്നത്. മമ്മാമിയ എന്നാണ് ഹോട്ടലിന്റെ പേര്. ഇറ്റാലിയന്‍ പേരാണിത്. താരമായത് കൊണ്ട് മാത്രം ആളുകള്‍ കടയില്‍ വരില്ലെന്നും നല്ല ഭക്ഷണവും മാന്യമായ പെരുമാറ്റവും ഉണ്ടെങ്കിലേ ആളുകളെ ആകര്‍ഷിക്കാന്‍ കഴിയൂ എന്നും സിദ്ധിഖ് പറഞ്ഞു. എറണാകുളത്ത് ആവശ്യത്തിലേറെ ഹോട്ടലുകളുണ്ട്. എന്നാല്‍ എന്തെങ്കിലും വ്യത്യസ്തതയുണ്ടെങ്കില്‍ ജനം തേടിപ്പിടിച്ച് വരും.