നാലു വര്ഷമായി തുടങ്ങി ഈ വിളയാട്ടം... അശ്ലീലം അതിരുകടന്നപ്പോള് കാവ്യ ഇടപെട്ടു; കാവ്യയ്ക്ക് പുറകേ നടക്കുന്നവര് 11 പേര്
നാലുവര്ഷമായി കാവ്യയെ ഫേസ്ബുക്കിലൂടെ അധിഷേപിക്കുന്നയാള് പിടിയില്. കാവ്യയുടെ പേരില് വ്യാജ ഫേസ്ബുക്ക് അക്കൗണ്ടുണ്ടാക്കി പ്രവര്ത്തിപ്പിച്ചയാളെയാണ് പൊലീസ് പിടികൂടിയത്. കാവ്യ മാധവന് സിറ്റി പൊലീസ് കമ്മിഷണര് എംപി. ദിനേശിനു നല്കിയ പരാതിയെത്തുടര്ന്നാണു നടപടി. പത്തനംതിട്ട പന്തളം സ്വദേശി അരവിന്ദ് ബാബുവിനെയാണു സിറ്റി പൊലീസ് അറസ്റ്റ് ചെയ്തത്.
നടിയുടെ ചിത്രവും പേരും ഉപയോഗിച്ചതിനു പുറമേ, അശ്ലീലച്ചുവയുള്ള കമന്റുകളും പോസ്റ്റുകളും ഈ അക്കൗണ്ട് വഴി അരവിന്ദ് ബാബു പ്രചരിപ്പിച്ചിരുന്നു.
നാലു വര്ഷമായി കാവ്യയുടെ പേരില് ഇയാള് വ്യാജ അക്കൗണ്ട് ഉപയോഗിക്കുന്നുണ്ടെന്ന് അന്വേഷണത്തില് തെളിഞ്ഞു. സൈബര് സെല് നടത്തിയ അന്വേഷണത്തില് കാവ്യയുടെ പേര് ഉപയോഗിക്കുന്ന ഇത്തരം 12 വ്യാജ അക്കൗണ്ടുകള് ഉണ്ടെന്നു കണ്ടെത്തി. ഇവരും നിരീക്ഷണത്തിലാണെന്നും ഉടന് അറസ്റ്റുണ്ടാകുമെന്നുമാണു പൊലീസ് പറയുന്നത്.
കഴിഞ്ഞ ദിവസമാണു മാനേജ് ചെയ്തവര് ഫേസ്ബുക്ക് പേജ് അടിച്ചുമാറ്റി വേറെ പേരിട്ട് പേജ് പബ്ലിഷ് ചെയ്യാന് ശ്രമിച്ച വിവരം ഗായിക ജ്യോത്സ്ന വെളിപ്പെടുത്തിയത്. കള്ളത്തരം കണ്ടെത്തി പേജ് തിരിച്ചുപിടിക്കുകയായിരുന്നു. വിശ്വസിച്ചേല്പ്പിച്ചവര് പണി തന്ന കഥ ഗായിക ജ്യോത്സ്ന വീഡിയോ സന്ദേശത്തിലൂടെയാണ് ആരാധകരെ അറിയിച്ചത്
https://www.facebook.com/Malayalivartha
