ജീവിതത്തില്‍ പ്രണയ പരാജയങ്ങള്‍ ഇല്ലാത്തവര്‍ ചുരുക്കമാണ്. ആ പരാജയമാണ് പലരേയും ജീവതമെന്തെന്നു പഠിപ്പിക്കുന്നതും യഥാര്‍ത്ഥ സ്‌നേഹം തിരിച്ചറിയുന്നതും.

അതേ ശ്മശാന മൂകതയില്‍ ആശ്വസിപ്പിക്കാനെത്തിയ ക്യാമറാ അസിസ്റ്റന്റ് അങ്ങനെ സരയുവിന്റെ ജീവിത സഖിയാകുകയാണ്. അറിയപ്പെടുന്ന ക്യാമറാ അസിസ്റ്റന്റ് സനലാണ് വരന്‍. വര്‍ഷം എന്ന സിനിമ ചെയ്യുന്ന സമയത്താണ് സരയൂ സനലിനെ പരിചയപ്പെട്ടത്. ആ സമയത്ത് താന്‍ മറ്റൊരാളുമായി പ്രണയത്തിലായിരുന്നെന്ന് സരയൂ പറഞ്ഞു. എന്നാല്‍ ആ ബന്ധം തകര്‍ന്നതോടെ സരയുവിന്റെ ജീവിതം ശ്മശാന മൂകതയിലായി. പലരും കുറ്റപ്പെടുത്തുമ്പോഴും സനല്‍ കൂടെ നിന്നു. എല്ലാമറിയുന്ന ഒരാള്‍ ജീവിതയാത്രയില്‍ കൂടെയുണ്ടാകുന്നത് നല്ലതാണല്ലോ അങ്ങനെ സനലിനെ സരയൂ പ്രണയിച്ചു. സനലുമായി വളരെ കംഫര്‍ട്ടാണെന്നും താരം പറഞ്ഞു. 

സനലിനെ ഇഷ്ടമായിരുന്നെങ്കിലും വിവാഹത്തെ കുറിച്ച് തീരുമാനിച്ചിരുന്നില്ല. പക്ഷെ, നിശ്ചയത്തിന്റെ ഫോട്ടോസ് സോഷ്യല്‍ മീഡിയയില്‍ കണ്ടപ്പോള്‍ പലരും ഞെട്ടി. നടി ഭാവന ഉള്‍പ്പെടെ വിളിച്ചിരുന്നു. കുക്കിംഗ് ഒക്കെ എന്തായെന്ന് ചോദിച്ചു. കുക്കിംഗ് പ്രശ്‌നമല്ല, പക്ഷെ സനല്‍ നോണ്‍വെജാണ് കഴിക്കുന്നത് അധികവും. സരയൂ ആണെങ്കില്‍ വെജിറ്റേറിയനും. ചിക്കനൊന്നും ഇതുവരെ കൈകൊണ്ട് തൊട്ടുനോക്കിയിട്ടില്ല. അതിനാല്‍ കാര്യങ്ങള്‍ ഏറെ ബുദ്ധിമുട്ടുമെന്ന് താരം പറഞ്ഞു. കല്യാണം ആയെങ്കിലും സരയുവിന് ഒരു വിഷമമുണ്ട്. 2007ല്‍ സിനിമയില്‍ വന്നതാണ് താരം. ഇതുവരെ കാര്യമായ കഥാപാത്രങ്ങളൊന്നും ലഭിച്ചില്ല. 

സാധാരണ നടിമാരെ പോലെയല്ല സരയൂ, സംവിധായകരുമായും ടെക്‌നീഷ്യന്‍മാരുമായും അധികം അടുത്തിടപഴകാറില്ല. നിരന്തരം സൗഹൃദം പുലര്‍ത്താറില്ല. അതുകൊണ്ടാവാം നല്ല വേഷങ്ങള്‍ ലഭിക്കാതിരുന്നത്. പിന്നെ മോഡേണ്‍ വേഷങ്ങള്‍ ഗ്ലാമറസ് ആകരുതെന്ന് സരയുവിന് നിര്‍ബന്ധം ഉണ്ട്. തുറന്ന് കാട്ടുന്ന വസ്ത്രങ്ങള്‍ തന്റെ ശരീരപ്രകൃതിക്ക് ഇണങ്ങുന്നതല്ലെന്നും താരം പറഞ്ഞു. എന്നാല്‍ നാടന്‍ വേഷങ്ങള്‍ സ്ഥിരമായി ചെയ്യുമ്പോള്‍ മടുക്കുമെന്നും താരം പറഞ്ഞു.