തെലുങ്കില്‍ അടുത്ത് റിലീസ് ചെയ്യാനിരിയ്ക്കുന്ന ലാലേട്ടന്റെ ഏറ്റവും പുതിയ ചിത്രങ്ങള്‍ പ്രേക്ഷകര്‍ ഏറെ പ്രതീക്ഷയോടെയാണ് നോക്കികാണുന്നത്. യൂണിവേഴ്‌സല്‍ സ്റ്റാര്‍ അഭിനയിക്കുന്ന തെലുങ്ക് ചിത്രത്തിന്റെ ഷൂട്ടിംഗ് കഴിഞ്ഞു ഡബ്ബിങ് നടന്നു വരികയാണ്. എന്നാല്‍ ചിത്രത്തിന്റെ റിലീസ് വൈകുന്നതിന് കാരണം മോഹന്‍ലാലിന്റെ ഡബ്ബിങിന്റെപോരായ്മ കൊണ്ടാണെന്നു കഴിഞ്ഞ ദിവസങ്ങളില്‍ ചില തമിഴ് മാധ്യമങ്ങളില്‍ വാര്‍ത്തകള്‍ വന്നിരുന്നു.
എന്നാല്‍ സംഭവം ദേശീയ തലത്തില്‍ തന്നെ വ്യാപിച്ചതോടെ സംവിധായകന്‍ കൊരട്ടാല തന്നെ രംഗത്ത് വന്നിരുന്നു.

കുറച്ചു റീലുകള്‍ മാത്രമാണ് മോഹന്‍ലാല്‍ ഇതുവരെ ഡബ്ബ് ചെയ്തത്. ചെയ്തിടത്തോളം പൂര്‍ണത പുലര്‍ത്തുന്നതാണ് അദ്ദേഹത്തിന്റെ ഡബ്ബിംഗ്. ഇതുവരെ ചെറിയ പിഴവുകള്‍ പോലും ഡബ്ബിംഗില്‍ കണ്ടെത്താനായിട്ടില്ല. തെലുങ്ക് അത്ര വഴങ്ങാത്തതിനാല്‍ മറ്റൊരാളെ വച്ച് ഡബ്ബ് ചെയ്യിക്കാമോ എന്ന് മോഹന്‍ലാല്‍ ചോദിച്ചിരുന്നു. ലാല്‍ സര്‍ തന്നെ ഡബ്ബ് ചെയ്യണമെന്ന് നിര്‍ബന്ധിച്ചത് ഞാനാണ്. അദ്ദേഹത്തിന്റെ ശൈലിക്കും ഡയലോഗ് ഡെലിവറിക്കും അനുയോജ്യനായ ഒരാളെ എനിക്ക് പകരം കണ്ടെത്താനാകില്ല. പകരം വയ്ക്കാനാകാത്ത സ്വരമാണ് അദ്ദേഹത്തിന്റേത് അതിനാലാണ് ഞാന്‍ തന്നെ അദ്ദേഹത്തിനോട് പറഞ്ഞു ഡബ്ബ് ചെയ്യിച്ചത്.

ലാലിന്റെ തെലുങ്കു ഡബ്ബിംഗിനെ ചൊല്ലിയുള്ള വിമര്‍ശനങ്ങള്‍ക്ക് മറുപടിയായി മനമന്ദയുടെ പുതിയ പ്രൊമോഷണല്‍ ടീസറും പുറത്തുവന്നിട്ടുണ്ട്. ചിത്രത്തിനായി ഡബ്ബ് ചെയ്തിരിക്കുന്നതും ലാല്‍ ആണ്. സംവിധായകന്‍ ചന്ദ്രശേഖര്‍ നിര്‍ബന്ധിച്ചതിനെ തുടര്‍ന്ന് മനമന്ദയില്‍ ഡബ്ബ് ചെയ്യാന്‍ ലാല്‍ തീരുമാനിച്ചത്. തുടര്‍ന്നാണ് ജനത ഗാരേജിലും ലാല്‍ തന്നെ ഡബ്ബ് ചെയ്യട്ടെയെന്ന് കൊരട്ടാല ശിവയും തീരുമാനിച്ചത്.

ജൂനിയര്‍ എന്‍ടിആര്‍ നായകനാകുന്ന ജനത ഗാരേജില്‍ വളരെ പ്രധാന്യമുള്ള ഒരു വേഷത്തിലാണ് മോഹന്‍ലാല്‍ എത്തുന്നത്. ചിത്രത്തില്‍ ലാലേട്ടന്റെ പഴയകാല നായികാ ഗൗതമിയാണ് നായികയെന്നതും ചിത്രത്തിന്റെ പ്രത്യേകതയാണ്.
വിമര്‍ശകര്‍ക്കുള്ള മറുപടിയായി ലാലേട്ടന്റെ വീഡിയോ ഇപ്പോള്‍ വൈറലായിരിക്കുകയാണ്.