കഥാപാത്രത്തിന്റെ പൂര്‍ണതയ്ക്ക് വേണ്ടി എന്തിനും തയ്യാറാകുന്ന നടിയാണ് നയന്‍താര. അതുകൊണ്ട് തന്നെയാണ് നയന്‍ തെന്നിന്ത്യന്‍ സിനിമാ ലോകത്തെ സൂപ്പര്‍ ലേഡിയായി നിലനില്‍ക്കുന്നതും. പുതിയ ചിത്രത്തിന് വേണ്ടി നയന്‍താര സ്വീകരിച്ച സാഹസം കണ്ട് സംവിധായകന്‍ തന്നെ ഞെട്ടി.

തിരുനാള്‍ എന്ന ചിത്രത്തിന് വേണ്ടിയായിരുന്നു നയന്‍താരയുടെ സാഹസികാഭിനയം. വായില്‍ ബ്ലെയിഡ് വച്ച് പൊട്ടിച്ച് തുപ്പണം. ചെയ്യുമോ എന്നറിയാതെ സംശയത്തോടെയാണ് സംവിധായകന്‍ നയന്‍താരയോട് ആ രംഗത്തെ കുറിച്ച് പറഞ്ഞത്. രാംനാഥ് സംവിധാനം ചെയ്യുന്ന തിരുനാള്‍ എന്ന ചിത്രത്തില്‍ ടീച്ചറായിട്ടാണ് നയന്‍താര എത്തുന്നത്. ചിത്രം ഈ വെള്ളിയാഴ്ച (ആഗസ്റ്റ് 5) റിലീസ് ചെയ്യും              .ചിത്രത്തില്‍ ജീവയാണ് നായകന്‍. ഒരു ഗ്രാമത്തിലെ ചെറിയ ഗുണ്ടയായ ജീവയുടെ നായക കഥാപാത്രത്തിന് വായില്‍ ബ്ലെയിഡ് വയ്ക്കുന്ന ശീലമുണ്ട്. ആരോടെങ്കിലും ദേഷ്യം വന്നാല്‍ അത് വായില്‍ വച്ച് ചവച്ച് മുഖത്ത് തുപ്പും. നായകന് വേണ്ടിയാണ് നയന്‍ വായില്‍ ബ്ലെയിഡ് വയ്ക്കുന്നത്. ഇങ്ങനെ ഒരു രംഗമുണ്ടെന്ന് സംവിധായകന്‍ അല്പം മടിയോടു കൂടെയാണ് നടിയോട് പറഞ്ഞത്. ഉടനെ ചെയ്യാം എന്ന് നയന്‍താര സമ്മതിക്കുകയായിരുന്നു.

ഈ രംഗത്തിന് വേണ്ടി നയന്‍താര പ്രത്യേക പരിശീലനം എടുക്കുകയായിരുന്നു. ജീവയുമായുള്ള ഒരു ചുംബന രംഗമായിരുന്നു അത്. ചുംമ്പിച്ച് കഴിയുമ്പോള്‍ ജീവയുടെ വായിലുള്ള ബ്ലെയിഡ് നയന്‍താര വായില്‍ വച്ച് പൊട്ടിച്ച് തുപ്പണം. വളരെ അനായാസമായി നയന്‍ അത് അവതരിപ്പിച്ചത്രെ.