പരസ്പരം ഗായത്രി സിനിമയിലും പോലീസായി
പരസ്പരം പരമ്പരയില് ഐ.പി.എസ് ഉദ്യോഗസ്ഥയെ അവതരിപ്പിച്ച് ശ്രദ്ധ നേടിയ ഗായത്രി അരുണിനെ സിനിമേലെടുത്തു. വേണുഗോപന് സംവിധാനം ചെയ്യുന്ന 'സര്വ്വോപരി പാലാക്കാരന്' എന്ന ചിത്രത്തില് അസിസ്റ്റന്റ് സബ് ഇന്സ്പെക്ടര് ചന്ദ്രാ ശിവകുമാര് എന്ന കഥാപാത്രത്തെയാണ് ഗായത്രി അവതരിപ്പിക്കുന്നത്. 'സിനിമയിലായാലും ടി.വിയിലായാലും അവസരങ്ങള് എന്നെത്തേടിയാണ് എത്തിയിട്ടുള്ളത്. ഞാന് അവയുടെ പിന്നാലെ പോയിട്ടില്ല. സ്ഥിരം ചെയ്യുന്ന പോലീസ് വേഷങ്ങള് മടുത്തു. കാണുന്നവര് ദീപ്തി ഐ.പി.എസ് എന്നാണ് എന്നെ അഭിസംബോധന ചെയ്യുന്നതുതന്നെ. അത് കഥാപാത്രത്തിന്റെ വിജയമാണെങ്കിലും ഇനി പോലീസ് വേഷങ്ങള് ഒഴിവാക്കാനാണ് തീരുമാനമെന്നും' എന്ന് ഗായത്രി പറഞ്ഞു.
അനൂപ്മേനോനാണ് ചിത്രത്തിലെ നായകന്. ജോസ്. കെ മാണി എന്നാണ് കഥാപാത്രത്തിന്റെ പേര്. എന്നാല് ജോസ്. കെ മാണി എം.പിയുടെ ജീവിതവുമായി ചിത്രത്തിന് യാതൊരു ബന്ധവുമില്ല. അനൂപ്മേനോനും പൊലീസ് വേഷത്തിലാണ് എത്തുന്നത്. സര്ക്കിള് ഇന്സ്പെക്ടര് ജോസ് കെ.മാണി. കോട്ടയം, പാല, കാഞ്ഞിരപ്പള്ളി ഭാഗങ്ങളില് ചിത്രീകരണം പുരോഗമിക്കുന്നു. ഹ്യൂമര് പശ്ചാത്തലത്തിലാണ് ചിത്രം ഒരുക്കുന്നത്. റിപ്പോര്ട്ടര് എന്ന ചിത്രത്തിന് ശേഷം വേണുഗോപന് സംവിധാനം ചെയ്യുന്ന സിനിമയാണിത്. ചിത്രത്തില് ഹണി റോസിനെയും മിയാ ജോര്ജിനെയുമാണ് ആദ്യം കാസ്റ്റ് ചെയ്തിരുന്നത്. എന്നാല് മിയയ്ക്ക് തിരക്കായതോടെ പിന്മാറുകയായിരുന്നു.
https://www.facebook.com/Malayalivartha