മമ്മൂട്ടി ചിത്രത്തിൽ സ്ത്രീവിരുദ്ധത ഉണ്ടെന്ന പാർവതിയുടെ പ്രസ്താവനയ്‌ക്കെതിരെ പ്രതിഷേധങ്ങൾ അവസാനിക്കാതെ തുടരുകയാണ്. ഇതിനെതിരെ പ്രതാപ് പോത്തൻ കഴിഞ്ഞ ദിവസം ഫേസ്ബുക്കിലൂടെ പ്രതികരിച്ചിരുന്നു.

'സിനിമയിൽ നായികയുടെ മടിക്കുത്തിൽ നായകൻ പിടിച്ചാൽ സ്ത്രീവിരുദ്ധത. അപ്പോൾ നായകന്റെ ചന്തിയിൽ നായിക അടിച്ചാൽ പുരുഷ വിരുദ്ധത ആവില്ലേ ?. അല്ലെങ്കിലും സിനിമയിലെ ആണുങ്ങളുടെ സംരക്ഷണത്തിന് സംഘടന ഇല്ലല്ലോ'- എന്നാണ് പ്രതാപ് പോത്തൻ ഫേസ്ബുക്ക് കുറിപ്പിലൂടെ പ്രതികരിച്ചത്.

ഈ ഫേസ്ബുക്ക് കുറിപ്പിനെ അനുകൂലിച്ച് നിരവധിപ്പേർ കമന്റ് ചെയ്തിരുന്നു. ഇതൊക്കെ കാണുമ്പോഴാണ് പുരുഷന്മാർക്കും പ്രതികരിയ്ക്കാൻ മനോധൈര്യമുള്ള ആളുകൾ ഇവിടൊക്കെ ഉണ്ടെന്നറിയുന്നതെന്നും നിങ്ങൾ എങ്കിലും ആണുങ്ങൾക്കയി മുന്നോട്ട്‌ വന്നല്ലോ എന്നും സർ എന്ന് അഭിമാനത്തോടെ വിളിക്കുന്നു എന്നുമൊക്കെയായിരുന്നു ഈ പോസ്റ്റിനു ആരാധകർ പ്രതികരിച്ചത്. പുരുഷന്റെ സംരക്ഷണത്തിന് എന്നെങ്കിലും മലയാള സിനിമയിൽ ഒരു സംഘടന ഉണ്ടായാൽ മതിയായിരുന്നെന്നും ഒരു ആരാധകൻ പറഞ്ഞു.