നടി കീർത്തി സുരേഷിന്റെ പുതിയ തെലുങ്ക് ചിത്രമായ അഗ്‌ന്യാതവാസി എന്ന ചിത്രത്തിന്റെ ഓഡിയോ ലോഞ്ചിന് വന്നപ്പോഴുള്ള താരത്തിന്റെ വേഷത്തെ കളിയാക്കിക്കൊണ്ട് സോഷ്യൽ മീഡിയകളിൽ നിരവധി ട്രോളുകൾ പ്രത്യക്ഷപ്പെട്ടിരുന്നു. ഇത് തന്നെ വേദനിപ്പിച്ചുവെന്ന് കീർത്തി പറയുന്നു. ആദ്യമൊന്നും ആ ട്രോളുകള്‍ അത്ര കാര്യമാക്കി എടുത്തില്ലെന്നും എന്നാല്‍ പിന്നീട് അവ എന്നെ ഒരുപാട് വേദനിപ്പിച്ചു എന്നും കീര്‍ത്തി പറഞ്ഞു.

പ്രശസ്ത ചലച്ചിത്ര നിർമ്മാതാവ് സുരേഷ് കുമാറിന്റേയും പഴയകാല ചലച്ചിത്ര നടി മേനകയുടെയും മകളായ കീർത്തി ബാലതാരമായി അഭിനയിച്ചുക്കൊണ്ടാണ് സിനിമാരംഗത്തേക്ക് കടന്നു വന്നത്. 2013-ൽ പ്രിയദർശൻ-മോഹൻലാൽ കൂട്ടുകെട്ടിൽ പിറന്ന ഗീതാഞ്ജലി എന്ന ചിത്രമാണ് നായികയായുള്ള കീർത്തിയുടെ ആദ്യ ചലച്ചിത്രം. മലയാളത്തിൽ വളരെ കുറച്ച് സിനിമകൾ മാത്രം ചെയ്ത കീർത്തി തമിഴിൽ തിളങ്ങി നിൽക്കുകയാണ്. ചുരുങ്ങിയ കാലം കൊണ്ടുതന്നെ തമിഴിലെ മിക്ക യുവനടന്മാരോടൊപ്പം താരം അഭിനയിച്ചുകഴിഞ്ഞു.