പ്രേക്ഷകരെ ഭരിക്കാന് ചെന്നാല് വിവരമറിയുമെന്ന് പ്രതാപ് പോത്തന്
പ്രേക്ഷകരെ ഭരിക്കാന് ചെന്നാല് അവര് പല കടുത്ത തീരുമാനങ്ങളും എടുക്കുമെന്ന് നടനും സംവിധായകനുമായ പ്രതാപ് പോത്തന്. കസബ വിവാദത്തില് പ്രമുഖരുടെ അഭിപ്രായ പ്രകടനങ്ങല് തുടര്ക്കഥയാകുമ്ബോള് പ്രതികരണവുമായി വീണ്ടും രംഗത്തെത്തിയിരിക്കുകയാണ് പ്രതാപ് പോത്തന്.
ഞാന് ഉള്പ്പടെ ഉള്ള സിനിമ പ്രവര്ത്തകര് ജീവിച്ചു പോകുന്നത് സാധാരണക്കാര് ആയ മനുഷ്യരുടെ വിയര്പ്പിന്റെ വിലയില് നിന്ന് മാറ്റി വെക്കുന്ന ഒരു അംശം കൊണ്ടാണ്. ഞങ്ങള് ഉള്പ്പടെ ഉള്ള പലരും അത് മറന്നു പോകുമ്ബോള് ആണ് പല പ്രശ്നങ്ങളും ഉണ്ടാവുന്നതെന്നും പ്രേക്ഷകര് ഇല്ലെങ്കില് സിനിമ ഉണ്ടാവില്ല, പ്രേക്ഷകരെ ഭരിക്കാന് ചെന്നാല് , അവര് പല കടുത്ത തീരുമാനങ്ങളും എടുക്കുമെന്നും ആദ്ദേഹം ഫേസ്ബുക്കില് കുറിച്ചു.
ഒരു അഭിനേതാവിന്റെ ചുമതല പ്രേക്ഷകരെ സന്തോഷിപ്പിക്കുക എന്നതാണ്. ഞങ്ങളെ പോലെ പലരും വളര്ന്നു വന്നത് പ്രേക്ഷകരുടെ നല്ല മനസ്സ് കൊണ്ട് മാത്രമാണ്. അത് മറക്കുന്നവരെ പ്രേക്ഷകര് ഓര്മ്മിപ്പിക്കാന് വേണ്ടി തിരഞ്ഞെടുക്കുന്ന വഴി ചിലപ്പോള് ഭീകരവും ആയിരിക്കുമെന്നും അദ്ദേഹം പറയുന്നു. പ്രേക്ഷകര്ക്കൊപ്പം എന്ന ഹാഷ്ടാഗോടു കൂടിയാണ് അദ്ദേഹം ഫേസ്ബുക്കില് കുറിച്ചിരിക്കുന്നത്.
ഇരുപത്തിരണ്ടാമത് രാജ്യാന്തര ചലചിത്ര മേളയില് മമ്മൂട്ടി ചിത്രം കസബയെ വിമര്ശിച്ചതിന്റെ പേരില് ഉടലെടുത്ത വിവാദങ്ങള് ഇപ്പോഴും സമൂഹത്തില് തഴച്ച് വളരുകയാണ്. സൈബര് ആക്രമണത്തിന്റെ പരാതിയില് രണ്ട് പേരെ അറസ്റ്റ് ചെയ്തതും സമൂഹത്തില് ചര്ച്ചകള്ക്ക് വഴിയൊരുക്കിയിരുന്നു.
https://www.facebook.com/Malayalivartha
