അന്നാണ് ആർത്തവത്തെക്കുറിച്ച് കൂടുതല് മനസ്സിലാക്കാന് ശ്രമിച്ചത്; അക്ഷയ് കുമാർ പറയുന്നു...
സോനം കപൂര്, അക്ഷയ് കുമാര്, രാധിക ആപ്തേ എന്നിവര് കേന്ദ്ര കഥാപാത്രമായെത്തുന്ന ബോളിവുഡ് ചിത്രമാണ് പാഡ് മാന്. സ്ത്രീകളിലെ ആര്ത്തവം വിഷയമാക്കി ആര്. ബല്കിയാണ് ചിത്രം സംവിധാനം ചെയ്യുന്നത്. സാനിറ്ററി നാപ്കിനുകള് നിര്മ്മിക്കുന്ന കോയമ്പത്തൂരിലെ അരുണാചലം മുരുഗാനന്ദന്റെ ജീവിതത്തെ ആസ്പദമാക്കിയാണ് ചിത്രം ഒരുങ്ങിയത്.
സ്ത്രീകളുടെ പിങ്ക് പാന്റിയും സാനിറ്ററി പാഡും ധരിക്കേണ്ട രംഗത്തില് താന് ശരിക്കും പേടിച്ചിരുന്നെന്നാണ്ചിത്രത്തിലെ നായകനായ അക്ഷയ്കുമാര് പറയുന്നത്. മുപ്പത് സെക്കന്ഡ് നേരത്തേയ്ക്കു ആ ഭയം ഉണ്ടായിരുന്നു. പിന്നീട് യാതൊരു ബുദ്ധിമുട്ടും ഉണ്ടായില്ല എന്നും അക്ഷയ് പറയുന്നു. ഒന്നരവര്ഷം മുമ്പ് ഈ ചിത്രത്തിനായി തയ്യാറെടുക്കുമ്പോഴാണ് താന് ആര്ത്തവത്തെപ്പറ്റി കൂടുതല് മനസ്സിലാക്കാന് ശ്രമിച്ചതെന്നും രാജ്യത്ത് ഭൂരിപക്ഷം സ്ത്രീകള്ക്കും സാനിറ്ററി പാഡുകള് ലഭ്യമല്ലെന്നു തനിക്കു മനസിലായെന്നും അക്ഷയ് പറഞ്ഞു.
സ്ത്രീകള്ക്കു സാനിറ്ററിപാഡുകള് വിതരണം ചെയ്യാന് സര്ക്കാര് മുന്കൈ എടുക്കണമെന്നും അതിന് ജിഎസ്ടി ഒരു തരത്തിലും ബാധിക്കരുതെന്നും താരം പറയുന്നു. നമ്മൂടെ രാജ്യത്ത് 82 ശതമാനത്തോളം പേര്ക്ക് ഇന്നും സാനിറ്ററി പാഡ് ലഭിക്കുന്നില്ല. കുറഞ്ഞത് 5 ശതമാനത്തോളം സ്ത്രീകളെ എങ്കിലും ഈ ചിത്രം വഴി സാനിറ്ററി പാഡുകളെക്കുറിച്ചു ബോധവല്ക്കരിക്കാനായാല് ഞാന് വിജയിച്ചു എന്നും അക്ഷയ് പറയുന്നു. എല്ലാ രാജ്യങ്ങളും ഇത്തരം പ്രശ്നങ്ങള് അഭിമുഖികരിക്കുന്നുണ്ട്. എന്നാല് ഇന്ത്യയില് ഇത് അല്പ്പം കൂടുതലാണെന്നു മാത്രം എന്നും അക്ഷയ് പറഞ്ഞു.
https://www.facebook.com/Malayalivartha
