പലപ്പോഴും വായ്നാറ്റമാണ് എല്ലാവരുടെയും വലിയ പ്രശ്‌നം. എന്നാൽ ഇത് ഇനി അത് നേരിടാം ഈസിയായി. മിക്ക വീടുകളിലും ഉണ്ടാകുന്ന ഒന്നാണ് നാരങ്ങ. ആരോഗ്യ സൗന്ദര്യ ഗുണങ്ങള്‍ കൊണ്ട് സമ്പുഷ്ടമാണ് നാരങ്ങ. മാത്രമല്ല നാരങ്ങ കൊണ്ട് പല രോഗങ്ങളേയും രോഗാവസ്ഥകളേയും ഫലപ്രദമായി നേരിടാം. വായ്നാറ്റമകറ്റാനും ഏറ്റവും മുമ്പിലാണ് നാരങ്ങ.

പതിവായി മൗത്ത് വാഷായി നാരങ്ങ ഉപയോഗിക്കുന്നതിലൂടെ വായ്നാറ്റത്തെ ഇല്ലാതാക്കാൻ സാധിക്കും. കൂടാതെ വായ്പ്പുണ്ണിനും നാരങ്ങാനീര് ഫലപ്രദമാണ്. ഇതിനൊപ്പം തന്നെ തൊണ്ടവേദന പോലുള്ള പ്രശ്‌നങ്ങള്‍ക്കും പരിഹാരം കാണാന്‍ നല്ലൊരു ഉപായമാണ് നാരങ്ങാനീര്. നാരങ്ങാനീര് വെള്ളത്തില്‍ ചാലിച്ച് അല്‍പം ഉപ്പിട്ട് കവിള്‍ കൊള്ളുന്നത് തൊണ്ടവേദനയെ ഇല്ലാതാക്കുന്നു.

നമ്മുടെ മുടിയുടെ സംരക്ഷണത്തിന് നാരങ്ങ വളരെ മികച്ച പ്രതിവിധിയാണ്. നാരങ്ങാനീര് മുടിയില്‍ തേച്ച് പിടിപ്പിച്ചാല്‍ താരന്‍ പോലുള്ള പ്രശ്‌നങ്ങൾ ഇല്ലാതാകും. ഉറങ്ങാന്‍ പോകുന്നതിനു മുന്‍പ് അല്‍പം നാരങ്ങാനീര് ചുണ്ടിൽ പുരട്ടി കിടന്നുറങ്ങിയാൽ ചുണ്ടിന്റെ ഭംഗി കൂടുതലാകുന്നതാണ്. നല്ലൊരു ആസ്ട്രിജന്റും ആന്റി ബാക്ടീരിയല്‍ ഏജന്റുമാണ് നാരങ്ങ. മുഖക്കുരുവിന് പരിഹാരം കാണാനും ഏറ്റവും മികച്ച മാർഗമാണിത്.