ബഹിരാകാശത്തു നിന്നും ഭൂമിയിലേയ്ക്ക് പൊഴിഞ്ഞു കൊണ്ടിരിക്കുന്ന അന്യഗ്രഹ ജീവികളുടെ ജനിതക വസ്തുക്കള്‍ സിക വൈറസുമായി ചേര്‍ന്ന് പ്രസ്തുത വൈറസിന് അപൂര്‍വ്വശക്തി പ്രദാനം ചെയ്യാനിടയുണ്ടെന്ന് ശാസ്ത്രജ്ഞര്‍ മുന്നറിയിപ്പു നല്‍കി.
അനതിവിദൂര ഭാവിയില്‍ തന്നെ ഇതു നടന്നേക്കാമെന്നും അങ്ങനെ സംഭവിച്ചാല്‍ നിയന്ത്രണവിധേയമാക്കാന്‍ ആവാത്ത ഗുരുതരമായ രോഗം പടര്‍ന്നു പിടിച്ച് മനുഷ്യരാശിയുടെ നാശത്തിനു തന്നെ കാരണമായേക്കുമെന്നും ശാസ്ത്രലോകം ഭയപ്പെടുന്നു.
ആദ്യം കണ്ടെത്തിയ സിക വൈറസിന്റെ സ്വഭാവത്തിന് മാറ്റം ഇപ്പോഴേ വന്നു കഴിഞ്ഞു. 1947-ല്‍ കുരങ്ങുകള്‍ക്കിടയില്‍ ഈ വൈറസിനെ കണ്ടെത്തുമ്പോള്‍ അതിന് കൊതുകിലൂടെ മാത്രമേ പകരാന്‍ കഴിവുണ്ടായിരുന്നുള്ളൂ. എന്നാല്‍ ഇപ്പോള്‍ ഇത് ലൈംഗിക ബന്ധത്തിലൂടെയും പകരുമെന്നായിട്ടുണ്ട്. വളരെ പെട്ടെന്ന് ഈ വൈറസിന് ജനിതക പരിണാമം സംഭവിച്ച് അതിമാരക ദോഷങ്ങള്‍ മനുഷ്യരില്‍ ഏല്പിക്കാന്‍ കഴിവുള്ള സ്ഥിതിയിലേക്കെത്തുമെന്നാണ് ശാസ്ത്ര ലോകത്തിന്റെ ആശങ്ക.
അന്യഗ്രഹ ജീവികളുടെ ഡിഎന്‍എ ആകാശത്തു നിന്ന് മഴപോലെ പൊഴിയുന്ന പ്രതിഭാസത്തിന് പാന്‍സ്‌പേര്‍മിയ എന്നാണ് പേര്. ഇത്തരം ഡിഎന്‍എയുമായി സംയോജിച്ചതിനാലാവണം ഇക്കഴിഞ്ഞ രണ്ടു മാസത്തിനിടെ അതിനു സ്വഭാവമാറ്റം ഉണ്ടായി, ലൈംഗിക ബന്ധത്തിലൂടെ പകരാന്‍ ഇടയുള്ള സ്വഭാവം ആര്‍ജ്ജിച്ചതെന്നാണ് ശാസ്ത്രജ്ഞരുടെ വിലയിരുത്തല്‍.
ലോകത്ത് ഉണ്ടായിരുന്ന വൈറസുകള്‍ക്കും ബാക്ടീരിയകള്‍ക്കും ഇപ്പോള്‍ വളരെയേറെ ജനിതക മാറ്റം ഉണ്ടായതിന്റെ പ്രധാന കാരണം പാന്‍സ്‌പേര്‍മിയ എന്ന ഈ പ്രതിഭാസം കൊണ്ടാണെന്ന് യൂണിവേഴ്‌സിറ്റി ഓഫ് ബക്കിംഗ്ഹാമിലെ പ്രൊഫസര്‍ ചന്ദ്ര വിക്രമസിംഗെ വളരെ നാളുകള്‍ക്കുമുമ്പ് തന്നെ അവകാശപ്പെട്ടിരുന്നു. വളരെ പെട്ടെന്നു തന്നെ അന്യഗ്രഹജീവികളുടെ ഇത്തരം ഡിഎന്‍എയെ പിടിച്ചെടുക്കാനുള്ള കഴിവ് സിക വൈറസുകള്‍ക്കുണ്ടെന്നുള്ളത് ആശങ്കയ്ക്കു വക നല്‍കുന്നുണ്ടെന്നാണ് ശാസ്ത്രപക്ഷം ഇപ്പോള്‍ തന്നെ സിക വൈറസിന്റെ സ്വഭാവത്തിന് പരിണാമം സംഭവിച്ചു കഴിഞ്ഞതിനാലാണ് അതു പകരുന്ന രീതിയില്‍ മാറ്റം ഉണ്ടായതെന്ന് വിദഗ്ദ്ധര്‍ അഭിപ്രായപ്പെടുന്നു.
അന്യഗ്രഹ ജീവികള്‍ ഭൂമിയിലേയ്ക്ക് ഡിഎന്‍ എ പൊഴിക്കുന്നുണ്ടെന്ന് തെളിയിക്കാന്‍ വിവിധ ഇടങ്ങളില്‍ നടത്തിയ പരീക്ഷണങ്ങളില്‍ ഇതു ശരിയാണെന്നു വിശ്വസിക്കാവുന്ന തെളിവുകള്‍ കിട്ടിയിട്ടുണ്ട്. യൂണിവേഴ്‌സിറ്റി ഓഫ് ഷെഫീല്‍സിലെ പ്രൊഫസര്‍ മില്‍ട്ടണ്‍ വെയ്ന്‍ റൈറ്റ് ഇതു തെളിയിക്കാനായി ഭൂമിയുടെ അന്തരീക്ഷത്തിന്റെ രണ്ടാമത്തെ മേഖലയായ സ്ട്രാറ്റോസ്ഫിയറിലേയ്ക്ക് ബലൂണുകള്‍ അയച്ചിരുന്നു. അതില്‍ പറ്റിയിരുന്ന കണങ്ങള്‍ പരിശോധിച്ചപ്പോള്‍ പൊടിയോടൊപ്പം ഭൂമിയില്‍ ഉള്ളതല്ലാത്ത മറ്റു ചില ഡിഎന്‍എയുടെ സാന്നിദ്ധ്യവും കണ്ടെത്തിയതായി സ്ഥിരീകരിച്ചിട്ടുണ്ട്.

ഇപ്പോള്‍ കൊതുകു കടിയിലൂടെയും ലൈംഗിക ബന്ധത്തിലൂടെയും പകരുന്ന സിക വൈറസ് ജലദോഷം പോലെ വായുവിലടെ പകരുന്ന സ്ഥിതിയിലെത്തിയാല്‍ എന്താവും സംഭവിക്കുക എന്നത് ചിന്തിക്കാവുന്നതേയുള്ളൂ. സിക വൈറസിന്റെ സ്വാധീനം മൂലം ഇപ്പോള്‍ മൈക്രോസെഫാലി എന്ന തലച്ചോര്‍ ചുരുങ്ങുന്ന സ്ഥിതിവിശേഷമാണ് ഗര്‍ഭസ്ഥശിശുക്കളിലുണ്ടാവുന്നത്. കൂടുതല്‍ ശക്തിയാര്‍ജ്ജിക്കുന്ന സിക വൈറസ്, നിയന്ത്രണവിധേയമാക്കാന്‍ പറ്റാത്ത എന്തെങ്കിലും പുതിയ മാരകരോഗം മനുഷ്യരിലേയ്ക്കു പകര്‍ത്തുകയാണെങ്കില്‍, അത് നിസ്സാരമായി വായുവിലൂടെ പകരുന്നതാണെങ്കില്‍, മനുഷ്യരാശിയുടെ നിലനില്‍പ്പു തന്നെ അപകടത്തിലാവുമെന്നതാണു വസ്തുത.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha