ഭൂമിയിലേക്ക് അരിച്ചിറങ്ങുന്ന മഞ്ഞ് കണങ്ങൾ...വൈകുന്നേരങ്ങളിൽ ഉയർന്ന് കേൾക്കുന്ന കരോൾ ഗാനങ്ങൾ... ലോക രക്ഷിതാവായ യേശു ക്രിസ്തുവിന്റെ തിരുപ്പിറവിയെ ഓർമ്മിപ്പിക്കുന്ന ക്രിസ്തുമസ് എത്താൻ ഇനി വിരലിൽ എണ്ണാവുന്ന ദിവസങ്ങൾ മാത്രം ബാക്കി. അതിന് മുന്നോടിയായി നോമ്പിനായി ഒരുങ്ങുകയാണ് ഏവരും. നോമ്പെടുക്കുന്നവരുടെ ശ്രദ്ധയ്ക്ക് അത് ഒരു പതിവ് എന്ന തലത്തിന് അപ്പുറത്ത് നിരവധി ആരോഗ്യ ഗുണങ്ങൾ ഉള്ളതാണ് നോമ്പ്. നോമ്പെടുക്കുന്നവർ ഈ കാര്യങ്ങൾ അറിയുക. നോവ്, അൻപ് എന്നീ പദങ്ങളിൽ നിന്നാണ് നോമ്പ് എന്ന വാക്കിന്റെ വരവ് എന്നു പറയപ്പെടുന്നു. നോവ് എന്നാൽ വേദന. അൻപ് എന്നാൽ കരുണ. ചെയ്ത തെറ്റുകൾക്കു പ്രായശ്ചിത്തവും െെക്രസ്തവ സഹജമായ കരുണയും പ്രകടമാക്കുന്നതിനുള്ള പ്രാർഥനാ നിറഞ്ഞ കാലം കൂടിയാണ് കടന്ന് വരുന്നത്. കത്തോലിക്കർ ഉൾപ്പെടെയുള്ള വിവിധ െെക്രസ്തവസഭകളിലെ വിശ്വാസികളുടെ ജീവിതത്തെ സൂക്ഷ്മമായി ശ്രദ്ധിച്ചാലറിയാം, ക്രിസ്മസിന് ഒരുക്കമായുള്ള നോമ്പ് ഏറെ പ്രധാനമാണെന്ന്. ഡിസംബർ ഒന്നു മുതൽ 24 വരെ അവർ മനസ്സും ശരീരവും വ്രതശുദ്ധിയോടെ യേശുവിന്റെ പിറവിത്തിരുനാളിനായി പാകപ്പെടുത്തുന്നു. പൗരസ്ത്യ കത്തോലിക്കാസഭകളിൽ ക്രിസ്മസിനു മുൻപായി 25 ദിവസത്തിലേറെ നോമ്പെടുത്തു ത്യാഗപൂർവമായി ഒരുങ്ങിയിരുന്നുവെന്നു ചരിത്രം പറയുന്നുണ്ട്.

നോമ്പ് ക്രിസ്ത്യാനിയുടെ ആത്മനിയന്ത്രണത്തിന്റെ അടയാളമാണ്. ത്യജിക്കുക എന്നൊരു ആത്മീയ തലം കൂടി ക്രിസ്ത്യൻ ജീവിതത്തിലുണ്ട്. ത്യജിക്കൽ ആത്മബലം വർധിപ്പിക്കുന്നു. ലഭിക്കുമ്പോഴല്ല ത്യജിക്കുമ്പോഴാണ് ക്രിസ്ത്യാനി ആത്മീയമായി കൂടുതൽ കരുത്തരാകുന്നത്. സ്വയംവിശുദ്ധീകരണത്തിന്റെ അടയാളങ്ങളാണ് നോമ്പും ഉപവാസവുമൊക്കെ. കൂടുതൽ െെദവത്തോടടുക്കുന്നതിനു നമ്മെത്തന്നെ വിശുദ്ധീകരിക്കലാണത്. ഇതിനു പലവിധ രീതികളുണ്ട്. അതിൽ ഒന്നു മാത്രമാണ് ഭക്ഷണനിയന്ത്രണം. എല്ലാ കാര്യങ്ങളിലും നിയന്ത്രണം പുലർത്തണം. നോമ്പു കാലത്തു ശരീരത്തിനും മനസ്സിനും ഒരുപോലെ വിശുദ്ധി നൽകണം. ചിന്തയിലും വായനയിലും കാഴ്ചയിലും ആസ്വാദനത്തിലും സംസാരത്തിലുമെല്ലാം വിശുദ്ധീകരണം ആവശ്യമുണ്ട്. അതുകൊണ്ടാണ് നോമ്പുകാലത്തു സിനിമ കാണുന്നതുപോലും ഒഴിവാക്കുന്നത്. മദ്യപാനം, ലഹരി, പുകവലി ഇതെല്ലാം ഒഴിവാക്കുന്നവരുണ്ട്. നോമ്പുകാലമത്രയും െെലംഗികതയിൽ നിന്നു മാറിനിൽക്കുന്നവരുണ്ട്. നോമ്പെടുക്കുന്നവർ അറിയുക നിരവധി ആരോഗ്യ ഗുണങ്ങൾ ഈ ശീലത്തിന് ഉണ്ട്. നോമ്പിന്റെ ആരോഗ്യഗുണങ്ങൾ ഇവയാണ്. മാംസാഹാരം കൂടുതൽ കഴിക്കുന്നതിനാൽ പലർക്കും ഫാറ്റി ലിവർ പോലുള്ള പ്രശ്നങ്ങൾ ഉണ്ടാകാറുണ്ട്. ഇത് സിറോസിസിലേക്കും മഹോദരത്തിലേക്കുമെത്താനുള്ള സാധ്യത ഏറെയാണ് . മാത്രമല്ല അമിതഭാരം കൊണ്ടുണ്ടാകുന്ന രോഗങ്ങൾ മറ്റൊരു വശത്തുണ്ട്. ശരീരത്തിൽ കൊഴുപ്പ് കൂടുതലാകുന്നത്തും ഹൃദ്രോഗത്തിൽ കലാശിക്കുന്നുണ്ട്.

നോമ്പ് ഇത്തരം ജീവിത െെശലീരോഗങ്ങളിൽ നിന്നെല്ലാം അകന്നു നിൽക്കാൻ സഹായകമാകുന്നു. ആഹാര നിയന്ത്രണം വരുമ്പോൾ അതിന്റേതായ ആരോഗ്യഗുണങ്ങൾ ശരീരത്തിനുണ്ടാകുന്നു. എന്നാൽ ശരീരത്തിന്റെ ഭാരം കുറയ്ക്കൽ പോലെ ആരോഗ്യം മെച്ചപ്പെടുത്താനുള്ള ഒരു വഴി മാത്രമായി നോമ്പിനെ പരിഗണിക്കരുത് എന്ന കാര്യം മറക്കരുത്. ഉപവാസം മൂലമുണ്ടാകുന്ന ക്ഷീണം മറ്റാരും അറിയാതിരിക്കുന്നതിന് മുഖം കഴുകി മുടിയിൽ എണ്ണ പുരട്ടിയിരിക്കണമെന്നു യേശു പറയുന്നു. പ്രസന്നതയോടെ ഉപവസിക്കണമെന്നർഥം. ഇതിന്റെ അടിസ്ഥാനത്തിലാണ് ഏവരും നോമ്പിനായി ഒരുങ്ങുന്നത്. സ്വയം ശുദ്ധീകരണത്തിനുള്ള കാലമാണിത്.നോമ്പുകാലത്തു നല്ല പോഷണം അടങ്ങിയ പച്ചക്കറികൾ ഉൾപ്പെടുന്ന വെജിറ്റേറിയൻ ആഹാരം കഴിക്കാം. കടല, പയറുവർഗങ്ങൾ ഇവ ധാരാളം പ്രോട്ടീൻ നൽകും. ഇലക്കറികളും ധാരാളം ഉപയോഗിക്കാം. കപ്പ, ചേന, കാച്ചിൽ പോലുള്ള കിഴങ്ങുവർഗങ്ങളും ധാരാളം ഉപയോഗിക്കുന്നവരുണ്ട്. ഒരു പോഷണ അപര്യാപ്തതയും നോമ്പ് നമുക്കു സമ്മാനിക്കുന്നില്ല. മറിച്ച് കുറച്ചുകൂടി ഉണർവ് നൽകുന്നു.