കേരളത്തിൽ ഫിറ്റ്നസ് ക്ലബ്ബ്കളുടെയും ജിമ്മുകളുടെയും ഒക്കെ എണ്ണം ദിനം പ്രതി വർധിച്ചു വരികയാണ്. ഇവിടെ ദിവസേന എത്തുന്നവരുടെ എണ്ണവും കുറവല്ല. പൊണ്ണത്തടിയും അനുബന്ധ രോഗങ്ങളും ആളുകളെ അലട്ടാൻ തുടങ്ങിയപ്പോൾ ഇനി ഇത്തരം സെന്ററുകളെ ആശ്രയിക്കയല്ലാതെ മറ്റു വഴിയില്ലായെന്നായി. ഇന്ന് ലോകത്തിലെ ഏറ്റവും നല്ല ബിസിനസ് മേഖലയാണ് ഫിറ്റ്നസ് സെന്ററുകൾ. ഇതിനൊക്കെ പുറമെ തടികുറക്കാൻ ആളുകൾ പരീക്ഷിക്കാത്തതായി ഇനി ഒന്നുമില്ല. പാലിയോ, കിറ്റോ, വിഗൻ പോലുള്ള കഠിനമായ ഡയറ്റുകൾ, കഠിനമായ വർക്ക് ഔട്ട്, ഗ്രീൻ ടീ തുടങ്ങിയവയൊക്കെയാണ് മിക്കവാറും പേർ ആശ്രയിക്കുന്ന എളുപ്പമാർഗങ്ങൾ. എന്നാൽ ഇവയിലൊക്കെ കൃത്യമായ ഫലം ലഭിക്കുന്നത് ചുരുങ്ങിയ പേർക്ക് മാത്രമാണ്. എല്ലാം പരീക്ഷിച്ചു നിരാശരായവർക്കു ആശ്വാസമായി എത്തിയിരിക്കുകയാണ് പുതിയ പഠനം.

ഈസി ആയി വെയ്റ്റ് കുറക്കാൻ പപ്പായ സഹായിക്കുമെന്നാണ് പുതിയ പഠനങ്ങൾ വ്യക്തമാക്കുന്നത്. ദിവസവും ഭക്ഷണത്തോടൊപ്പം പപ്പായയും ഉൽപ്പെടുത്തിയാൽ മതി. കാലറി കുറഞ്ഞതും ആന്റി ഓക്സിഡന്റുകളും ധാതുക്കളും ധാരാളം ഉള്ളതുമായ പപ്പായ ദിവസവും കഴിച്ചാൽ ശരീരഭാരവും വയറും കുറക്കാനാകുമെന്നാണ് പഠനങ്ങളിൽ പറയുന്നത്. പപ്പായ കഴിക്കുന്നതിലൂടെ ശരീരത്തിനാവശ്യമായ എല്ലാ പോഷകങ്ങളും ലഭിക്കുന്നു. പപ്പായയുടെ കുരുവാണ് ഭാരം കുറക്കാൻ ഏറ്റവും സഹായിക്കുന്നത്. ശരീരത്തിൽ നിന്നു വിഷാംശങ്ങളെ നീക്കി Metabolism മെച്ചപ്പെടുത്തുന്നു. ദഹനം എളുപ്പമാക്കാൻ പപ്പായയിലെ നാരുകളും സഹായിക്കുന്നു. ശരീരം അമിതമായി കൊഴുപ്പിനെ വലിച്ചെടുക്കാതെ പപ്പായക്കുരു സഹായിക്കുമെന്ന് പഠനങ്ങൾ സഹായിക്കുന്നു. പേസ്റ്റ് രൂപത്തിലും പപ്പായക്കുരു കഴിക്കുന്നത് നല്ലതാണു. . പപ്പായ ഡയറ്റ് കൃത്യമായ ഇടവേളകളിൽ പിന്തുടരണം. ഭക്ഷണത്തോടൊപ്പം നിശ്ചിത അളവിൽ പപ്പായ കഴിക്കാം.

പ്രഭാതഭക്ഷണമായി ഒരു ഗ്ലാസ് സ്കിം മിൽക്ക് കഴിക്കാം. ഒരു വലിയ ബൗൾ പപ്പായ സാലഡും ഒപ്പം കൂട്ടാം. ഇത് പോഷസമ്പുഷ്ടവും ആരോഗ്യകരവുമാണ്. മുഴുധാന്യങ്ങളും ആവിയിൽ വേവിച്ച പച്ചക്കറികളും ഉച്ചയ്ക്ക് കഴിക്കണം. ഇതിനോടൊപ്പം ഒരു ഗ്ലാസ് പപ്പായ ജ്യൂസ് കൂടിയായാൽ ഡയറ്റ് കൃത്യമാകും. പപ്പായ സ്മൂത്തി ആക്കി നട്സ് ചേർത്ത് ലഘുഭക്ഷണമായി പ്രധാനഭക്ഷണത്തിനിടയ്ക്കും കഴിക്കാം. രാത്രിയിൽ സൂപ്പും ഒരു ഗ്ലാസ് പപ്പായ ജ്യൂസും. ശരീരത്തെ ഡീടോക്സ് ചെയ്യാനും ശരീരഭാരം കുറയ്ക്കാനും രണ്ടോ മൂന്നോ മാസം കൂടുമ്പോൾ ആഴ്ചയിൽ രണ്ടോ മൂന്നോ ദിവസം പപ്പായ ഡയറ്റ് ശീലിക്കുന്നത് വളരെ നല്ലതാണു. ഇനി തടികുറക്കാൻ അപകടകാരികളായ മരുന്നുകളോ ട്രീട്മെന്റുകളോ ശസ്ത്രക്രിയകളോ പരീക്ഷിക്കേണ്ട ആവശ്യമില്ല. പകരം പ്രകൃതിയിൽ നിന്ന് ലഭിക്കുന്ന ശുദ്ധമായ പപ്പായ കഴിച്ചാൽ മാത്രം മതി. വണ്ണവും കുറയും സൗന്ദര്യവും വർദ്ധിക്കും. പൈസ ചിലവുമില്ല. ഫിറ്റ്നസ് സെന്ററുകളിൽ കൊടുക്കുന്ന പണം മറ്റാവശ്യങ്ങൾക്കായി ഉപയോഗിക്കുകയും ചെയ്യാം. പപ്പായയുടെ ഏറ്റവും നല്ല ഗുണം അതിൽ രാസവസ്തുക്കൾ ഒന്നും തന്നെ അടങ്ങിയിട്ടില്ല എന്നത് തന്നെയാണ് . ഭാവിയിൽ രോഗങ്ങൾ വരുമോയെന്നു പേടിക്കുകയും വേണ്ട.