ബോളിവുഡിൽ ഗോഡ്ഫാദർ ഇല്ലാതെ താരപരിവേഷം അണിയാതെ പൂര്‍ണതയുടെയും മികവിന്റെയും വേറിട്ട മുഖമായിമാറിയ ബോളിവുഡ് നടന്‍ ഇര്‍ഫാന്‍ ഖാന്‍റെ മരണവാര്‍ത്ത നമ്മെ ഏറെ വേദനിപ്പിച്ചുകൊണ്ടാണ് ഇന്ന് പുറത്തേക്ക് വന്നത്. വന്‍കുടലിലെ അണുബാധയെത്തുടര്‍ന്നാണ് മരണം സംഭവിച്ചത് എന്നാണ് റിപ്പോർട്ട്. മുംബൈയിലെ കോകിലാബെന്‍ ധിരുഭായ് അംബാനി ആശുപത്രിയിലെ തീവ്ര പരിചരണ വിഭാഗത്തില്‍ ചികിത്സയിലായിരിക്കെയാണ് അദ്ദേഹം മരണത്തിന് കീഴടങ്ങിയത്. തുടർന്ന് കഴിഞ്ഞ കുറച്ച് വര്‍ഷങ്ങളായി അനാരോഗ്യത്തിന്‍റെ പിടിയിലായിരുന്നു ഇര്‍ഫാന്‍ ഖാന്‍.

അതേസമയം കൃത്യമായി പറഞ്ഞാൽ 2018ലാണ് അദ്ദേഹത്തിന് ന്യൂറോ എന്‍ഡോക്രൈന്‍ ട്യൂമര്‍ ഉണ്ടെന്ന് കണ്ടെത്തിയത് തന്നെ. ഇതെതുടർന്ന് അദ്ദേഹം വിദേശത്ത് ചികിത്സ തേടുകയായിരുന്നു. തുടര്‍ന്ന് യുകെയിലായിരുന്നു ചികിത്സ നടത്തി വന്നിരുന്നത്. അതോടൊപ്പം തന്നെ ആരോഗ്യനില വഷളായതിനെ തുടർന്ന് രണ്ട് ദിവസം മുൻപാണ് നടനെ ആശുപത്രിയിലേക്ക് മാറ്റിയത്. എന്നാൽ ഇർഫാൻ ഖാനെ കവർന്നെടുത്ത ഈ അപൂർവ രോഗം എന്താണ് എന്നാണ് ഇപ്പോൾ ഏവരും അന്വേഷിക്കുന്നത്.

ന്യൂറോ എന്‍ഡോക്രൈന്‍ ട്യൂമര്‍......

അതായത് കണ്ടെത്താന്‍ ഏറ്റവും വിഷമതയുള്ള ഒരു തരം ക്യാന്‍സറാണ് ന്യൂറോ എന്‍ഡോക്രൈന്‍ ട്യൂമര്‍ എന്ന രോഗം. എന്നാൽ ഇത് ആന്തരീകാവയവങ്ങളെയാണ് പ്രധാനമായും ബാധിക്കുക. പലപ്പോഴും കാര്യമായ ലക്ഷണങ്ങള്‍ പോലും പ്രകടിപ്പിക്കില്ല എന്നത് മറ്റൊരു വശം കൂടിയാണ്. തുടർന്ന് തൊലിപ്പുറത്തെ തടിപ്പും രക്തത്തിലെ പഞ്ചസാരയുടെ അളവിലുള്ള ത്വരിതമായ മാറ്റവുമാണ് രോഗത്തിന്‍റെ പ്രകടമായ പ്രധാന ലക്ഷണങ്ങള്‍ എന്നത്.

അതോടൊപ്പം തന്നെ കാര്യമായ ലക്ഷണങ്ങളില്ലാത്തത് കൊണ്ടുതന്നെ രോഗം കണ്ടെത്താനും വളരെ ബുദ്ധിമുട്ടാണ് എന്നാണ് വിദഗ്ധർ പറയുന്നത്. വളരെ പതിയെ മാത്രം വളര്‍ന്ന് ശരീരമാകെ പടരാന്‍ സാധ്യതയുള്ള ഒരിനം ട്യൂമർ കൂടിയാണിത്. തുടരെയുള്ള നിരീക്ഷണത്തിൽ രോഗത്തിന്റെ ഘട്ടം അനുസരിച്ചാണ് ചികിത്സ നിശ്ചയിക്കുന്നത് പോലും. ചിലര്‍ക്ക് ശസ്ത്രക്രിയ ആവശ്യമായിവരുന്നു. മറ്റ് ചിലര്‍ക്ക് റേഡിയേഷന്‍, കീമോതെറാപ്പി തുടങ്ങിയ ചികിത്സാരീതികളും ആവശ്യമായി വരുന്നതായിരിക്കും.

എന്നാൽ തന്നെയും കാൻസറിന് കാരണമാകുന്നത് നമ്മുടെ മാറിയ ജീവിതസാഹചര്യങ്ങളും തെറ്റായ ഭക്ഷണശീലങ്ങളുമാണ് ക്യാന്‍സറിന് പ്രധാന കാരണമെന്നാണ് ഡോക്ടര്‍മാര്‍ പോലും പറയുന്നത്. നമ്മള്‍ ദിവസവും കഴിക്കുന്ന ചില ഭക്ഷണങ്ങള്‍, പതുക്കെ ക്യാന്‍സര്‍ ഉണ്ടാകാന്‍ കാരണമാകുന്നുവെന്ന കാര്യം അധികം ആര്‍ക്കും അറിയില്ല എന്നതും വളരെ പ്രധാനമാണ്. ആയതിനാൽ തന്നെ ആരോഗ്യപരമായ മാറ്റത്തിലേക്ക് മനുഷ്യർ നീങ്ങേണ്ടതുണ്ട്.