കൈകളിലെ വേദന നിസ്സാരമല്ല; കോവിഡ് 19 ന്റെ ലക്ഷണങ്ങളില് മറ്റൊന്ന് കൂടി, പുതിയ പഠനവുമായി ഗവേഷകർ
കൊറോണ പിടിമുറുക്കി എന്നതിന്റെ പ്രാഥമിക ലക്ഷണങ്ങളാണ് പനി, ചുമ , തൊണ്ടവേദന ,ശ്വാസതടസം എന്നിവ. എന്നാൽ രോഗം മൂര്ച്ഛിച്ചുകഴിഞ്ഞാൽ ഇത് മറ്റു ഗുരുതരമായ ലക്ഷണങ്ങള് കാണിച്ചു തുടങ്ങുകയും ചെയ്യും. തുടരെ തുടരെ നടത്തുന്ന പഠനത്തില് നിന്നു ഗവേഷകര് പറയുന്നത് നോവല് കൊറോണ വൈറസ് ഓരോരുത്തരെയും ഓരോ തരത്തിലാണ് ബാധിക്കുക എന്നാണ്. എന്നതിനാൽ തന്നെ ഇതിന്റെ ഏറ്റവും വലിയ ഉദാഹരണമാണ് ചിലരില് കൊറോണ ചെറിയ ലക്ഷണങ്ങള് കാണിക്കുകയും മറ്റു ചിലര്ക്ക് മരണം വരെ സംഭവിക്കുകയു ചെയ്യുന്നത് എന്നത്.
അതേസമയം ലോകാരോഗ്യസംഘടനയുടെയും സെന്റ്റര് ഫോര് ഡിസീസ് കൺട്രോളിന്റെയും റിപ്പോര്ട്ട് പ്രകാരം പനി, കഫകെട്ട്, ക്ഷീണം എന്നിവയാണ് കോവിഡിന്റെ പ്രാഥമിക ലക്ഷണങ്ങൾ എന്നത്. ഒപ്പം രുചി നഷ്ടമാകുക, ഗന്ധം അറിയാനുള്ള ശേഷി നഷ്ടമാകുക, ശരീരവേദന, ദേഹത്ത് ചുവന്ന പാടുകള് കാണുക എന്നിവയും കോവിഡ് ലക്ഷണങ്ങള് ആണ് എന്നും കണ്ടെത്തുകയുണ്ടായി. ശ്വാസതടസ്സം, നെഞ്ചു വേദന, സംസാരശേഷി നഷ്ടമാകുക എന്നിവ രോഗം മൂർച്ഛിക്കുന്നവരിൽ കാണപ്പെട്ടുവരികയാണ്.
എന്നാൽ ഇപ്പോൾ കൊറോണ വൈറസ് ബാധിതരിൽ ഉണ്ടാകുന്ന രോഗലക്ഷണങ്ങളില് മറ്റൊന്ന് കൂടി റിപ്പോര്ട്ട് ചെയ്യപ്പെട്ടിരിക്കുകയാണ്. കൈകളിലെ വേദനയാണ് ഈ പുതിയ ലക്ഷണം എന്നാണ് ഗവേഷകർ പറയുന്നത്. ബ്രിട്ടനില് ചില കോവിഡ് രോഗികള്ക്കാണ് ഈ ലക്ഷണം റിപ്പോര്ട്ട് ചെയ്തതിനെ തുടർന്ന് നടത്തിയ പഠനത്തിലാണ് ഇത് തെളിഞ്ഞത്. ശരീരത്തിന്റെ പ്രതിരോധസംവിധാനം അണുബാധയോട് പ്രതികരിക്കുന്നതിന്റെ ലക്ഷണമാകാം ഇതെന്നാണ് ഗവേഷകര് വ്യക്തമാക്കുന്നത്. കൈകളിൽ തരിപ്പ് പോലെ അനുഭവപ്പെടുന്ന ഈ വേദനയ്ക്ക് പരസ്തേഷ്യ എന്നാണ് പറയുക.
https://www.facebook.com/Malayalivartha