മൊബൈൽഫോൺ ആരുമറിയാത്ത വില്ലൻ; സൂക്ഷിച്ചില്ലേൽ സംഭവിക്കുന്നത്, കൗമാരക്കാരുടെ ഏറ്റവും വലിയ പ്രശ്നമായി മാറുന്ന മൊബൈൽഫോണിൽ സംഭവിക്കുന്നത്....
കൊറോണ വ്യാപനത്തിന്റെ പശ്ചാത്തലത്തിൽ മൊബൈൽ ഫോണിന്റെ ഉപയോഗം വർധിച്ചു. ലോക്ക് ഡൗൺ പ്രഖ്യാപിച്ചതും അതോടൊപ്പം തന്നെ ഓൺലൈൻ ക്ലാസുകൾ ആരംഭിച്ചതും മുമ്പത്തേക്കാൾ ഏറെ ഉപയോഗത്തിൽ വർദ്ധനവ് ഉണ്ടായിട്ടുണ്ട്. ഇപ്പോൾ മൊബെെൽ ഫോൺ ഇല്ലാതെ ജീവിക്കാൻ പറ്റില്ലെന്ന അവസ്ഥയാണ് പലർക്കും. എവിടെപ്പോയാലും വെറുതെ ഇരുന്നാൽ പോലും കയ്യിൽ മൊബൈൽ വേണമെന്ന സ്ഥിതിയാണ് ഉണ്ടായിരിക്കുന്നത്. ഒട്ടുമിക്കവരും ബാത്ത് റൂമിൽ പോകുമ്പോൾ പോലും മൊബെെൽ ഉപയോഗിക്കുന്നവരാണ്. ഇങ്ങനെ സ്ഥിരമായി മൊബൈൽ ഫോണിൽ മുഴുകുന്നത് ഗുരുതരമായ ആരോഗ്യ പ്രശ്നങ്ങൾ ഉണ്ടാകുന്നതിന് കാരണമാകുമെന്ന് വിദഗ്ധർ പറയുകയാണ്.
എന്നാൽ തുടക്കത്തിൽ നിസാരമെന്ന് തോന്നുമെങ്കിലും ശരീരത്തെയും മനസിനെയും ദോഷകരമായി ബാധിക്കുന്നതാണ് പറയപ്പെടുന്ന മൊബൈൽ ഫോൺ അഡിക്ഷൻ. ഒരു ഇടവേള പോലുമില്ലാതെ മൊബൈലിൽ ഉപയോഗിക്കുന്നത് പല രോഗങ്ങളും വരുത്തിവയ്ക്കുന്നതാണ്. ഒപ്പം ജീവിതശൈലിയെ തന്നെ ബാധിക്കുകയും ചെയ്യും. മൊബൈൽ ഫോൺ അമിതമായി ഉപയോഗിക്കുന്നത് ഏറ്റവുമധികം ബാധിച്ചേക്കാവുന്നത് കണ്ണിനെയാണ് എന്നാണ് വിദഗ്ധർ പറയുന്നത്. മൊബൈലിൽ തന്നെ നോക്കിയിരിക്കുമ്പോൾ കണ്ണുകളുടെ മേലുള്ള സമ്മർദ്ദം വർധിക്കുന്നതായിരിക്കും.
അതോടൊപ്പം തന്നെ നിശ്ചിത സമയത്ത് ശരിയായ രീതിയിൽ ഉറക്കം ലഭിച്ചില്ലെങ്കിൽ അത് ആരോഗ്യത്തെ ബാധിക്കും. കുറെ നേരം സമയം തല കുനിച്ച് മൊബൈലിലേക്ക് നോക്കുമ്പോൾ കണ്ണുകൾക്കൊപ്പം തന്നെ കഴുത്തിലും സമർദ്ദമേറുകയും ചെയ്യും. ഇതേതുടർന്ന് കഴുത്തിന് വേദന വരുന്നതിന് കാരണമാവുകയും ചെയ്യാം. ലഭ്യമാകുന്ന വിവരം അനുസരിച്ച് കൗമാരക്കാരുടെ ഏറ്റവും വലിയ പ്രശ്നം ഉറക്കമില്ലായ്മയാണ്. അത് കൊണ്ട് തന്നെ ഇതുമൂലം പലതരത്തിലുള്ള ആരോഗ്യപ്രശ്നങ്ങൾ കൗമാരക്കാർക്കിടയിൽ ഉണ്ടാകുന്നതാണ്..
https://www.facebook.com/Malayalivartha