കുഞ്ഞുങ്ങളുടെ തൊണ്ടയിൽ എന്തെങ്കിലും കുടുങ്ങിയാൽ ചെയ്യേണ്ട പ്രഥമശുശ്രൂഷ !
പലപ്പോഴും ഒരു നിമിഷത്തെ അശ്രദ്ധ വലിയ അപകടം ക്ഷണിച്ചു വരുത്താറുണ്ട്. മുതിർന്നവരുടെ കണ്ണൊന്നു തെറ്റിയാൽ കയ്യിൽകിട്ടുന്നതെടുത്ത് വായിലിടുന്നവരാണ് കുഞ്ഞുങ്ങൾ. കുഞ്ഞുങ്ങൾ എന്തെങ്കിലും വിഴുങ്ങി തൊണ്ടയിൽ കുടുങ്ങിയാൽ പരിഭ്രമം ഒഴിവാക്കി ആദ്യം അവർക്ക് പ്രഥമശുശ്രൂഷ നൽകണം.
പ്രധാന ലക്ഷണം : കടുത്ത ശ്വാസതടസ്സം, ശരീരത്തിൽ നീലനിറം, കടുത്ത ചുമ, തളർച്ച, ബോധക്ഷയം.
എത്രയും വേഗം പ്രഥമശുശ്രൂഷ നൽകണം
∙ ഒരു വയസ്സിലേറെയുള്ള കുട്ടികളെ പുറം നെഞ്ചോട് ചേരുന്ന തരത്തിൽ നിർത്തി വയറിന്റെ താഴ്ഭാഗത്തു ശക്തിയായി അമർത്തുക.
∙ ഒരു കൈ ചുരുട്ടിയ ശേഷം മറുകൈകൊണ്ട് മൂടിയാണ് അമർത്തേണ്ടത്.
∙ കൊച്ചു കുട്ടികളെങ്കിൽ കാൽമുട്ടിലോ മറ്റോ കമഴ്ത്തി കൈയിലെടുത്തശേഷം ചുമലുകൾക്കിടയിലുള്ള ഭാഗത്തു 5 തവണ ശക്തിയായി തട്ടുക. വായ് തള്ളവിരലുപയോഗിച്ചു തുറന്നുപിടിക്കണം.
∙ വസ്തു പുറത്തെത്തിയില്ലെങ്കിൽ കുഞ്ഞിനെ മലർത്തിക്കിടത്തി രണ്ടു വിരലുകൾ നെഞ്ചിനു നടുവിൽ വരുന്ന രീതിയിൽ ശക്തിയായി അമർത്തുക. ഇതും 5 തവണ ആവർത്തിക്കാം.
∙ വിഴുങ്ങിയ വസ്തു പുറത്തു പോയി അപകടം ഒഴിവായെന്നു തോന്നിയാലും കുട്ടിക്കു വൈദ്യ പരിശോധന നടത്തണം.
https://www.facebook.com/Malayalivartha