ഉയർന്ന രക്തസമ്മര്‍ദ്ദമുള്ളവര്‍ക്ക് മാംസം കഴിക്കാമോ ? ശ്രദ്ധിക്കേണ്ട കാര്യങ്ങള്‍
ഉയര്‍ന്ന രക്തസമ്മര്‍ദ്ദം എന്ന ജീവിത ശൈലീ രോഗമുള്ളവർ തീർച്ചയായും ചില കാര്യങ്ങൾ ശ്രദ്ധിക്കണം. . ഹൃദയാഘാതം, പക്ഷാഘാതം എന്നിങ്ങനെയുള്ള ഗുരുതരമായ പ്രശ്‌നങ്ങളിലേക്കെല്ലാം ഉയര്‍ന്ന രക്തസമ്മര്‍ദ്ദം നയിച്ചേക്കാം .എന്നാൽ ചില കാര്യങ്ങൾ ശ്രദ്ധിച്ചാൽ ഇത് മാറിക്കടക്കാം. ഡോക്ടറുടെ നിര്‍ദേശപ്രകാരം ഇതിന് മരുന്നുകള്‍ കഴിക്കണം . അതോടൊപ്പം തന്നെ ജീവിതരീതികളിലും കാര്യമായ മാറ്റങ്ങൾ വരുത്തണം.
ഉയര്‍ന്ന രക്തസമ്മര്‍ദ്ദമുള്ളവര്‍ ഡയറ്റില്‍ കൂടുതല്‍ ഇലക്കറികള്‍- പച്ചക്കറികള്‍ എന്നിവ ഉള്‍പ്പെടുത്തണമെന്ന് പുതിയൊരു പഠനം പറയുന്നു . ഇതിനൊപ്പം ചെറിയ അളവില്‍ മാംസാഹാരവും ഉള്‍പ്പെടുത്തുക. ഇത്തരത്തിലൊരു ഡയറ്റ് രീതി- ഉയര്‍ന്ന രക്തസമ്മര്‍ദ്ദം മൂലമുണ്ടാകുന്ന പ്രശ്‌നങ്ങളില്‍ നിന്ന് ഒരു പരിധി വരെ നമ്മെ സുരക്ഷിതരാക്കുമെന്നാണ് പഠനം പറയുന്നു .യുകെയിലെ ‘വാര്‍വിക് യൂണിവേഴ്സിറ്റി’ക്ക് കീഴിലുള്ള ‘വാര്‍വിക് മെഡിക്കല്‍ സ്‌കൂളി’ല്‍ നിന്നുള്ള ഒരുകൂട്ടം ഗവേഷകരാണ് ഈ പഠനത്തിന് പിന്നില്‍. മുമ്ബ് നടന്നിട്ടുള്ള നാല്‍പതിലധികം പഠനങ്ങളെ അടിസ്ഥാനപ്പെടുത്തിയാണ് ഗവേഷകര്‍ ഈ പഠനം നടത്തിയത്. .പച്ചക്കറിയെ അടിസ്ഥാനപ്പെടുത്തിയുള്ള ഏഴ് തരം ഡയറ്റും രക്തസമ്മര്‍ദ്ദവും തമ്മിലുള്ള ബന്ധമാണ് ഗവേഷകര്‍ പ്രധാനമായും പരിശോധിച്ചത്. ഇവയെല്ലാം തന്നെ രക്തസമ്മര്‍ദ്ദത്തെ കുറയ്ക്കാന്‍ സഹായിക്കുന്നതായാണ് പഠനം കണ്ടെത്തിയത്. അതുപോലെ തന്നെ രക്തസമ്മര്‍ദ്ദമുള്ളവര്‍ മാംസാഹാരം പൂര്‍ണ്ണമായി ഉപേക്ഷിക്കേണ്ടതില്ലെന്നും കുറഞ്ഞ അളവില്‍ അതും കഴിക്കാമെന്നും ഇവര്‍ കണ്ടെത്തിയിരിക്കുന്നു.
https://www.facebook.com/Malayalivartha
