കൊറോണ വൈറസിനെ പൊരുതാനുള്ള എല്ലാ വഴിയും തിരയുകയാണ് ഗവേഷകർ. ഒരു ഭാഗത്ത് പഠനം നടക്കുമ്പോൾ മറുഭാഗത്ത് വാക്‌സിൻ കണ്ടെത്താനുള്ള തയ്യാറെടുപ്പും നടക്കുകയാണ്. ഇതിനിടെ പല പഠനങ്ങളും പുറത്ത് വരികയാണ്. അതായത് സ്ത്രീ ലൈംഗിക ഹോർമോണുകളിലൊന്നായ 'ഈസ്ട്രജൻ' കൊറോണ വൈറസ് അണുബാധയിൽ നിന്ന് സംരക്ഷിച്ചേക്കാമെന്നാണ് പുതിയ പഠനം വ്യക്തമാക്കുന്നത്. ലണ്ടനിലെ 'കിംഗ്സ് കോളേജി' ലെ ​ഗവേഷകർ നടത്തിയ പഠനത്തിലാണ് പുതിയ കണ്ടെത്തൽ എന്നത്.

യുകെയിലെ വ്യാപകമായ കൊവിഡ് -19 സിംപ്റ്റം ട്രാക്കർ അപ്ലിക്കേഷനിൽ നിന്നുള്ള ഡാറ്റ ഗവേഷകർ പരിശോധിക്കുകയുണ്ടായി. ആറ് ലക്ഷത്തോളം സ്ത്രീകളിൽ നടത്തിയ പഠനത്തിലാണ് ഇങ്ങനെ ഒരു നിഗമനം ഉണ്ടായിരിക്കുന്നത് തന്നെ. കൊവിഡ് 19 നെ പ്രതിരോധിക്കാൻ ഈസ്ട്രജന് കഴിയുമെന്ന് ഈ ഗവേഷകരുടെ പുതിയ പഠനം പറയുന്നത്. ആർത്തവവിരാമത്തിന് ശേഷമുള്ള സ്ത്രീകൾക്ക് മറ്റ് സ്ത്രീകളേക്കാൾ കൊവിഡ് പിടിപെടാമെന്നും പ്രസ്തുത പഠനത്തിൽ കണ്ടെത്തിയിരുന്നു.

ആയതിനാൽ തന്നെ ഗർഭനിരോധന ​ഗുളികകൾ കഴിക്കുന്ന 18 നും 45 നും ഇടയിൽ പ്രായമുള്ള സ്ത്രീകൾക്ക് കൊവിഡ് സാധ്യത കുറവാണെന്ന് ​ഗവേഷകർ ചൂണ്ടിക്കാട്ടുന്നത്. ഒപ്പം തുടർച്ചയായ ചുമ, വിഭ്രാന്തി, കടുത്ത ക്ഷീണം എന്നിവ ഉൾപ്പെടെയുള്ള ലക്ഷണങ്ങൾ കുറയുന്നതായി തിരിച്ചറിയാൻ കഴിഞ്ഞുവെന്നും ​ഗവേഷകർ പറയുന്നു. എന്നാൽ, 'ഹോര്‍മോണ്‍ റീപ്ലേയ്‌സ്‌മെന്റ് തെറാപ്പി' ചെയ്യുന്ന 50 നും 65നും വയസിന് ഇടയിലുള്ളവർക്ക് കൊവിഡ് പിടിപെടാനുള്ള സാധ്യത കൂടുതലാണെന്നും ഈ പഠനത്തിൽ പറയുന്നുണ്ട്.