കോവിഡ്-19 മായി ബന്ധപ്പെട്ടുള്ള എന്ത് വിവരങ്ങൾ കിട്ടിയാലും അത് ശെരിയാണോ തെറ്റാണോ എന്നറിയാതെ നാം ഷെയർ ചെയ്യാറുണ്ട്. നമ്മിൽ പലർക്കും ആ ശീലമുണ്ട് എന്നകാര്യത്തിൽ തർക്കമില്ല. കോവിഡ് 19 മായി ബന്ധപ്പെട്ടുള്ള വാർത്തകൾ ദിവസേന നമ്മുടെ ഫോണുകളിലും എത്താറുണ്ട്. എന്നാൽ ഇപ്പോഴത്തെ ഈ പുതിയ മാറ്റം അറിഞ്ഞില്ലെങ്കിലും വാർത്തകൾ കൈമാറ്റം ചെയ്യുമ്പോൾ പണി ഉറപ്പാണ് .പ്രധനയു ഫേസ്ബുക്കിലൂടെ വാർത്തകൾ കൈമാറ്റം ചെയ്യുന്നവർ. ഈ മാറ്റം അറിയാതെ ഒന്നും ചെയ്യാൻ നിൽക്കണ്ട! ഇതൊരു മുന്നറിയിപ്പ് കൂടിയായി പരിഗണിക്കാവുന്നതാണ്.

കോവിഡ്-19 വാര്‍ത്തകള്‍ ഷെയർ ചെയ്യുന്നവരുടെ ശ്രദ്ധയ്ക്ക്. ഷെയര്‍ ചെയ്യുമ്പോള്‍ എറണാകുളം കാര്യങ്ങൾ ശ്രദ്ധിക്കുക..... ഈ മുന്നറിയിപ്പ് അവഗണിച്ചാൽ അപകടം ഉറപ്പാണ്. ഫേസ്ബുക്ക് പുതിയ നോട്ടിഫിക്കേഷൻ സ്ക്രീൻ അവതരിപ്പിച്ചു കഴിഞ്ഞിരിക്കുന്നു കോവിഡ്-19 വ്യാപനവുമായി ബന്ധപ്പെട്ട വാർത്തകളെ സംബന്ധിച്ച് കൂടുതൽ വിവരങ്ങൾ ഈ നോട്ടിഫിക്കേഷൻ സ്ക്രീൻ പ്രദർശിപ്പിക്കും. ഇത് ആഗോള തലത്തിൽ ലഭ്യമാണ്. കോവിഡ്-19 നെ കുറിച്ചുള്ള ശരിയായ പശ്ചാത്തലം അറിയാനും പരിശോധിച്ചുറപ്പിച്ച വാർത്തകൾ അറിയാനും ഒപ്പം കോവിഡിനെ കുറിച്ചുള്ള തെറ്റായ വിവരങ്ങളും മിഥ്യാധാരണകളും ഇല്ലാതാക്കാനും വേണ്ടിയാണ് ഇങ്ങനെ മുന്നറിയിപ്പ് നൽകുന്നത്. ഈ നോട്ടിഫിക്കേഷൻ സ്ക്രീനിൽ അത് കോവിഡ്-19 നെ സംബന്ധിക്കുന്ന പോസ്റ്റ് ആണെന്നും അതിന്റെ യഥാർത്ഥ ഉറവിടം ഏത് വെബ്സൈറ്റാണെന്നും ഇത് ആദ്യമായി പോസ്റ്റ് ചെയ്യപ്പെട്ടത് എപ്പോഴാണ് എന്നുമുള്ള വിവരങ്ങൾ ഉണ്ടാവും.ഇതുവഴി പ്രസ്തുത പോസ്റ്റുകൾ ഏറ്റവും പുതിയ വിവരങ്ങൾ നൽകുന്നവയാണോ അതോ പഴയ വാർത്താ ലിങ്കുകളാണോ എന്ന് അറിയാനാവും.

ആളുകൾ 90 ദിവസം പഴക്കമുള്ള വാർത്തയുടെ ലിങ്ക് ഷെയർ ചെയ്യാനൊരുങ്ങുമ്പോഴാണ് ഈ നോട്ടിഫിക്കേഷൻ സ്ക്രീൻ പ്രത്യക്ഷമാവുക. എന്നാൽ പഴയ വാർത്തകളാണെങ്കിലും അവ ഷെയർ ചെയ്യുന്നതിൽ നിന്നും ഉപയോക്താക്കളെ വിലക്കില്ല. വാർത്തകളുടെ പ്രാധാന്യം അനുസരിച്ച് ഉപയോക്താക്കൾക്ക് അത് തീരുമാനിക്കാം.പഴയ വാർത്തകൾ പുതിയ വാർത്തകളായി പ്രചരിപ്പിക്കുകയും പുതിയ സന്ദർഭങ്ങളുമായി ചേർത്ത് പ്രചരിപ്പിക്കുകയും ചെയ്യുന്ന രീതി വ്യാപകമായതോടെയാണ് ഈ മുൻകരുതൽ നടപടി സ്വീകരിക്കാൻ ഫെയ്സ്ബുക്ക് നിർബന്ധിതരായത്.പുതിയതും വസ്തുതാപരവുമായ വാർത്തകൾ മാത്രം പങ്കുവെക്കാനും വായിക്കാനും വിശ്വസിക്കാനും ഈ പുതിയ സംവിധാനം ഉപയോക്താക്കളെ സഹായിക്കും. വിശ്വാസയോഗ്യമായ സർക്കാർ ഏജൻസികൾ, ലോകാരോഗ്യ സംഘടന, മറ്റ് ആരോഗ്യ സംഘടനകൾ എന്നിവയുടെ പോസ്റ്റുകളിൽ ഈ നോട്ടിഫിക്കേഷൻ ഉണ്ടാവില്ല.