ജിദ്ദ: തെക്കന്‍ സൗദിയിലെ അബഹ വിമാനത്താവളം ലക്ഷ്യമിട്ട്​ വന്ന ഡ്രോണ്‍ അറബ്​ സഖ്യസേന തകര്‍ത്തതായി റിപ്പോർട്ടുകൾ. യമനിലെ ഹൂതി വിമതരാണ്​ ഇതിന് പിന്നിലെന്ന് അധികൃതർ അറിയിച്ചു. ശനിയാഴ്​ച പകല്‍ അബഹയിലേക്ക്​ വന്ന ഡ്രോണ്‍ വിജയകരമായി തകര്‍ത്തുവെന്നും വിമാനത്താവളം സാധാരണ പോലെ പ്രവര്‍ത്തിക്കുന്നുണ്ടെന്നും സഖ്യസേന വക്​താവ്​ അറിയിച്ചു. സംഭവത്തിന്​ പിന്നാലെ ഡ്രോണ്‍ അയച്ച യമന്‍ സആദയിലുള്ള ഹൂതികളുടെ താവളം സഖ്യസേന തകര്‍ത്തു.