മനുഷ്യ ശരീരത്തിലെ ഒടിഞ്ഞ എല്ലുകള് ഒട്ടിക്കാന് പശ ഉപയോഗിച്ചാലോ? അവസാനഘട്ട പരീക്ഷണത്തിൽ ശാസ്ത്ര ലോകം
മനുഷ്യ ശരീരത്തിലെ ഒടിഞ്ഞ എല്ലുകൾ നേരെയാക്കാൻ സാധാരണ ശസ്ത്രക്രിയയ്ക്ക് വിധേയമാക്കുകയും, എല്ലിന് പകരം കമ്പി ഇടുകയുമാണ് പതിവ്. അവയില് നിന്ന് മാറിചിന്തിച്ചിരിക്കുകയാണ് ശാസ്ത്ര ലോകം. ഇനി ഒടിഞ്ഞ എല്ലുകൾ നേരെയാക്കാൻ പശ മാത്രം മതി. അവസാന ഘട്ടത്തിലെത്തി നില്ക്കുന്ന ഈ പശ പരീക്ഷണം ശാസ്ത്രലോകത്തെ വിപ്ലവം സൃഷ്ടിക്കുന്ന കണ്ടുപിടുത്തമായി തീരും എന്നതില് സംശയമില്ല.
സമീപഭാവിയില് തന്നെ അങ്ങനെ ചെയ്യാന് കഴിയുമെന്ന് അടിവരയിട്ട് ശാസ്ത്രലോകം പറയുന്നു. സ്വീഡനിലെ സ്റ്റോക്ക് ഹോമിലുള്ള റോയല് ഇന്സ്റ്റിറ്റ്യൂട്ട് ഒഫ് ടെക്ക്നോളജിയിലെയും കരോലിന്സ്ക മെഡിക്കല് സര്വകലാശാലയിലെയും വിദഗ്ദധരാണ് ഇതിന്റെ സൂത്രധാരന്മാര്. മൂന്നു ഘട്ടങ്ങളിലായാണ് പശ ഉപയോഗിക്കുന്നത്.
പ്രൈമര് പോലുള്ള ഘടകം ആദ്യം എല്ലുകളുടെ ഭാഗത്ത് പുരട്ടും. ശേഷം നാരുകള് ചേര്ന്ന ഭാഗം പരുക്ക് പറ്റിയ ഭാഗത്ത് ഒട്ടിക്കും. അവസാന പാളി കൂടി ഇതിന് മുകളില് പിടിപ്പിച്ച് എല്ഇഡി വെളിച്ചത്തില് പശ ഉണക്കുകയും ചെയ്യും. ദന്ത ചികിത്സയില് പശ ഉപയോഗിക്കുന്നതിന് സമാനമായാണ് ഇതും ചെയ്യുന്നത്. ജലത്തിന്റെയും ഓക്സിജന്റെയും സമ്ബര്ക്കത്തില് ഇതിന് കട്ടി കൂടുമെന്നും വിദഗ്ദധര് ചൂണ്ടിക്കാട്ടുന്നു. ഇത് എലികളില് പരീക്ഷിച്ച് വിജയം കണ്ടിരുന്നു. പശ വരുന്നതോടെ എല്ലുകള് ഊറിപ്പിടിക്കാന് പ്ളാസ്റ്റര് ഇട്ട് മാസങ്ങളോളം കിടക്കുന്ന അവസ്ഥ മാറുമെന്നാണ് വിശ്വാസം.
https://www.facebook.com/Malayalivartha
