പ്രവാസികൾ എന്നും വ്യത്യസ്തത പരീക്ഷിക്കുന്നവരാണ്. കൊമ്പന്‍ ബിയറിനും മഹാറാണിക്കും ശേഷം സമൂഹമാധ്യമങ്ങളില്‍ വൈറലായിരിക്കുകയാണ് മന്ദാകിനി എന്ന മലയാളത്തനിമയാർന്ന നാടൻ വാറ്റ്. കാനഡയിൽ പേരുകേട്ട വാറ്റാണ് ഹിറ്റായിരിക്കുന്നത്. പേര് മന്ദാകിനി. കരിമ്പ് വാറ്റിയെടുത്ത് നിര്‍മ്മിക്കുന്ന മന്ദാകിനിയുടെ ബോട്ടിലിന്റെ പുറത്ത് മലബാറി വാറ്റ് എന്നാണ് എഴുതിച്ചേർത്തിരിക്കുന്നത്.

കറുവപ്പട്ട, ഏലയ്ക്ക തുടങ്ങിയ സുഗന്ധവ്യജ്ഞനങ്ങള്‍ ചേര്‍ത്ത് മഹറാണിയും കൂടാതെ മട്ട അരിയില്‍ നിന്നും കൊമ്പന്‍ ബിയറും നിര്‍മ്മിക്കുന്നതെന്ന് കമ്പനി അവകാശപ്പെടുന്നു. എന്നാല്‍ കരിമ്പില്‍ നിന്ന് നിര്‍മ്മിക്കുന്ന മന്ദാകിനിയുടെ പരിപൂര്‍ണ്ണ വിവരങ്ങള്‍ mandakini.ca എന്ന വെബ്‌സൈറ്റില്‍ പ്രസിച്ചപ്പെടുത്തിയിട്ടുണ്ട്. മന്ദാകിനിയുടെ നിര്‍മ്മാണമാകട്ടെ നാടന്‍ വാറ്റിനെ ഓര്‍മ്മിപ്പിക്കും വിധമാണ് ഉള്ളത്. ഹെന്‍ഡ്രിക് വാന്‍ റീഡിന്റെ ഹോര്‍ത്തൂസ് മലബാറിക്കസില്‍ നിന്ന് പ്രചോദനമുള്‍ക്കൊണ്ടും മലബാര്‍ മേഖലയിലെ നാടന്‍ വാറ്റിനെ സമാനമായ രീതിയിലാണ് നിര്‍മ്മാണം.

അതോടൊപ്പം തന്നെ കാനഡയില്‍ 39.95 കനേഡിയന്‍ ഡോളറാണ് മന്ദാകിനിക്ക് വില. അതായത് 2300 ഓളം ഇന്ത്യ രൂപ വരും ഇത്. മന്ദാകിനിയുടെ ഉത്പാദനം നടക്കുന്നത് കാനഡയിലെ വോണ്‍ ഒന്റാറിയയോയിലെ ഡിസ്റ്ററിയിലാണ്.

കൂടാതെ മഹാറാണിക്കും കൊമ്പന്‍ ബിയറിനും പിന്നില്‍ മലയാളി കരങ്ങള്‍ ഉള്ളത് പോലെ മന്ദാകിനിക്ക് പിന്നിലും മലയാളിയുടെ കരങ്ങള്‍ പ്രവര്‍ത്തിക്കുന്നുണ്ടെന്ന് നമ്മുക്ക് കരുതാവുന്നതാണ്. ഇതിന് പിന്നിലാരണെന്ന് സൈബര്‍ ലോകവും തിരയുന്നുണ്ട്.