യുവതിയുടെ മൃതദേഹം വളര്‍ത്തുപൂച്ചകള്‍ ചേർന്ന് തിന്നു. റഷ്യയിലെ ബറ്റായ്‌സ്കിലാണ് മരിച്ച യുവതിയുടെ മൃതദേഹം വളര്‍ത്തുപൂച്ചകള്‍ ചേര്‍ന്ന് തിന്നത്. മെയ്ന്‍ കൂന്‍ ഇനത്തില്‍പ്പെട്ട 20 പൂച്ചകളാണ് ഉടമയായ സ്ത്രീയുടെ ശരീരം ഭക്ഷിച്ചത്.മരിച്ച്‌ രണ്ടാഴ്ച കഴിഞ്ഞിട്ടും യുവതിയുടെ മൃതദേഹം കണ്ടെത്താനായിരുന്നില്ല.

യുവതിയെ കാണാനില്ലെന്ന് ഇവരുടെ സഹപ്രവര്‍ത്തകന്‍ പൊലീസില്‍ പരാതി നല്‍കിയ പരാതിയിൽ അന്വേഷണത്തിന് പൊലീസ് സംഘം വീട്ടിനുള്ളിൽ എത്തിയപ്പോഴാണ് ഞെട്ടിക്കുന്ന സംഭവം പുറത്ത് വന്നത്. ഭാഗീക മൃതദേഹാവശിഷ്ടിടങ്ങള്‍ക്ക് ചുറ്റും കൂടിനില്‍ക്കുന്ന പൂച്ചകള്‍ അവയവങ്ങള്‍ കടിച്ചു തിന്ന ശേഷം അവശിഷ്ടങ്ങള്‍ വീട്ടില്‍ വിവിധയിടങ്ങളില്‍ ചിതറിക്കിടക്കുന്നതായുള്ള കാഴ്ച്ചയാണ് കണ്ടത്.

പൊലീസ് പറയുന്നതനുസരിച്ച്‌, 20 പൂച്ചകളും യുവതി വളര്‍ത്തിയവയായിരുന്നു. രണ്ടാഴ്ച മുമ്പാണ് ഇവര്‍ വീടിനുള്ളില്‍ മരിച്ചത്. ദിവസങ്ങള്‍ കഴിഞ്ഞിട്ടും ഭക്ഷണം കിട്ടാതായതോടെ പൂച്ചകള്‍ യുവതിയുടെ മൃതശരീരം ഭക്ഷിക്കുകയായിരുന്നു. മനുഷ്യമാംസത്തോടുള്ള ഇത്തരം പൂച്ചകളുടെ താല്‍പര്യത്തെക്കുറിച്ച്‌ നിലവിലുള്ള ഉടമകള്‍ക്ക് പൊലീസ് മുന്നറിയിപ്പ് നല്‍കിയിട്ടുണ്ട്.

മെയ്ന്‍ കൂന്‍ ഇനത്തില്‍പ്പെട്ട പൂച്ചകള്‍ അവയുടെ വലിയ വലുപ്പത്തിന് പേരുകേട്ടവയാണ്. യുനൈറ്റഡ് സ്റ്റേറ്റ്സിലെ 'മെയ്ന്‍' എന്ന സംസ്ഥാനത്തിലാണ് ഇവയുടെ ഉത്ഭവം. ലോകത്തിലെ ജനപ്രിയ വളര്‍ത്തു മൃഗങ്ങളുടെ റാങ്കിങില്‍ നിലവില്‍ മൂന്നാം സ്ഥാനത്താണ് ഇവയുള്ളത്.