ഒന്നും മറന്നിട്ടില്ല 2020 ഗല്വാന് സംഭവം ചൈനയ്ക്ക് താക്കീതുമായി അജിത്ത് ഡോവല്
ചൈനയുടെ കടന്നുകയറ്റ ശ്രമങ്ങളെ ഇന്ത്യ ഒരു കാരണവശാലും അംഗീകരിക്കില്ലെന്ന് ദേശീയ സുരക്ഷാ ഉപദേഷ്ടാവ് അജിത് ഡോവല്. ചൈനയുമായുള്ള തര്ക്കങ്ങള് ഇന്നോ ഇന്നലെയോ തുടങ്ങിയതല്ല. അതിര്ത്തി വിഷയത്തില് ഇന്ത്യന് നിലപാട് സുവ്യക്തമാണ്. അത് ചൈനക്കും അറിവുള്ള കാര്യമാണെന്നും ഡോവല് പറഞ്ഞു.
2020ല് ശുഭകരമല്ലാത്ത ചില കാര്യങ്ങള് സംഭവിച്ചു. ചര്ച്ചകളിലൂടെയും കൃത്യമായ ഇടപെടലുകളിലൂടെയും ഒരു പരിധി വരെ സമ്മര്ദ്ദം ചെലുത്തിയും അവയില് ഭൂരിപക്ഷവും നമ്മള് പരിഹരിച്ചു. എന്നാല് ഇനിയും ചിലത് അവശേഷിക്കുകയാണ്. ഗാല്വന് വിഷയത്തെ അധികരിച്ച് ഡോവല് പറഞ്ഞു.
നമ്മള് പരിശ്രമം തുടരും. അതേസമയം, നമ്മള് ജാഗ്രത പുലര്ത്തുകയും അതിര്ത്തികള് അവിതര്ക്കിതമായി സംരക്ഷിക്കുകയും ചെയ്യും. വാര്ത്താ ഏജന്സിക്ക് നല്കിയ അഭിമുഖത്തില് അജിത് ഡോവല് വ്യക്തമാക്കി.
2020 ഏപ്രില് മെയ് മാസങ്ങളില് നടന്ന ഗാല്വന് സംഘര്ഷങ്ങള്ക്ക് ശേഷം നയതന്ത്ര തലത്തിലും സൈനിക തലത്തിലും ഇന്ത്യയും ചൈനയും തമ്മില് നിരവധി തവണ ചര്ച്ചകള് നടന്നിരുന്നു. 15 വട്ടം കോര് കമാന്ഡര് തല ചര്ച്ചകളും ഇരു രാജ്യങ്ങളും തമ്മില് നടന്നിരുന്നു. തുടര്ന്ന്, ചില മേഖലകളില് സൈനിക നിര്വ്യാപനം നിലവില് വന്നിരുന്നു. എന്നാല് ഇടയ്ക്കിടെയുള്ള പ്രകോപനം ചൈന തുടരുകയാണ്. ഈ സാഹചര്യത്തിലായിരുന്നു ദേശീയ സുരക്ഷാ ഉപദേഷ്ടാവിന്റെ പ്രതികരണം.
അന്താരാഷ്ട്ര യോഗാ ദിനത്തില് അപൂര്വ്വമായ ചിത്രം പങ്കുവെച്ച് കേന്ദ്രമന്ത്രി പിയൂഷ് ഗോയല്. കടുത്ത ശൈത്യമുള്ള ഹിമാലയന് മലനിരകളിലെ സൈനികരുടെ ചിത്രമാണ് പിയൂഷ് ഗോയല് പങ്കുവെച്ചത്. അന്താരാഷ്ട്ര യോഗദിനത്തില് രാജ്യമൊട്ടുക്ക് രാവിലെ 7 മണി മുതല് യോഗപരിശീലനത്തില് ഏര്പ്പെട്ടതിനിടെ പകര്ത്തിയ ചിത്രമാണ് പങ്കുവെച്ചത്.
യോഗ ഒരു രക്ഷാകവചമാണെന്ന കുറിപ്പോടെയാണ് ചിത്രം അദ്ദേഹം ട്വിറ്ററില് ഇട്ടത്. സൈനിക യൂണിഫോമില് ഷര്ട്ടിടാതെ യോഗ ചെയ്യുന്നതാണ് ചിത്രങ്ങള്. ലഡാക്കിലെ കാലാവസ്ഥ ഈ ഹിമവീരന്മാര്ക്ക് പ്രത്യേകിച്ച് ഒരു മാറ്റവും ഉണ്ടാക്കുന്നില്ലെന്നാണ് അവിടുത്തെ തണുപ്പിനെ സൂചിപ്പിച്ച് അദ്ദേഹം കുറിച്ചത്.
പതിനെട്ടുപേരടങ്ങുന്ന സംഘത്തിന്റെ ചിത്രമാണ് പിയൂഷ് ഗോയല് പങ്കുവെച്ചത്. സൈനികര് യോഗയും പ്രാണായാമവും ചെയ്യുന്നതാണ് ചിത്രങ്ങള്. ഇന്തോ ടിബറ്റന് സേനാംഗങ്ങള് അവരവരുടെ ദൗത്യമേഖലകളില് വിവിധ സംഘങ്ങളായി തിരിഞ്ഞാണ് യോഗപരിശീലനം നടത്തിയത്. കഴിഞ്ഞ ഒരു മാസമായി എല്ലാ ദിവസവും ഹിമാലയന് മല നിരകളില് ആവേശത്തോടെ യോഗപരിശീലനം നടത്തുന്ന ഐടിബിപി ചിത്രങ്ങള് സമൂഹമാദ്ധ്യമങ്ങളില് വൈറലാണ്.
https://www.facebook.com/Malayalivartha
