ലോകത്തെ ഒന്നടങ്കം അമ്പരപ്പിച്ചുകൊണ്ടാണ് ടെസ്‌ല മേധാവി ഇലോൺ മസ്കിന്റെ പതിനെട്ടുകാരിയായ മകൾ പേരു മാറ്റിക്കൊണ്ട് പിതാവുമായുള്ള എല്ലാ ബന്ധവും അവസാനിപ്പിക്കാൻ കോടതിയിൽ അപേക്ഷ നൽകിയത്. ഇത് സംഭവിച്ചത് കഴിഞ്ഞ മാസമാണ്. അതിനു 2 മാസം മുൻപ്, മസ്കിന്റെ തന്നെ ഉടമസ്ഥതയിലുള്ള വൈദ്യശാസ്ത്ര സാങ്കേതികവിദ്യ സ്റ്റാർട്ടപ്പായ ന്യൂറാലിങ്കിന്റെ പ്രോജക്ട് ഡയറക്ടർ ഷിവോൺ സിലിസ്, തന്റെ ഇരട്ടക്കുട്ടികളുടെ പേരിനൊപ്പം ഇലോൺ മസ്കിന്റെ പേരുകൂടി ചേർക്കാൻ ടെക്സസ് കോടതിയിൽ അപേക്ഷ നൽകിയിരുന്നു.

അതായത് 2021 നവംബറിൽ ജനിച്ച കുട്ടികളുടെ പേരിനൊപ്പം മസ്കിന്റെ പേരുകൂടി ചേർക്കാൻ കോടതി അനുമതി നൽകിയതോടെയാണ് അദ്ദേഹം ഇരട്ടക്കുട്ടികളുടെ അച്ഛനായ വിവരം ലോകമറിയുന്നത് പോലും.

കൂടാതെ ന്യൂറാലിങ്ക് കമ്പനിയുടെ സ്ഥാപകനും മസ്ക് തന്നെയാണ്. 2017ൽ ടെസ്‍ലയിൽ ആർട്ടിഫിഷ്യൽ ഇന്റലിജൻസ് പ്രോജക്ട് ഡയറക്ടറായി ചേർന്ന ഷിവോൺ 2019 ലാണ് ന്യൂറാലിങ്കിൽ ഉയർന്ന പദവിയിലേക്കു മാറിയിരുന്നത്. മസ്ക് ധനസഹായം നൽകുന്ന ഓപ്പൺ എഐ പദ്ധതിയുടെ ബോർഡിലും ഷിവോൺ ഉഉൾപ്പെട്ടിയിട്ടുണ്ട്.

അങ്ങനെ ഇരട്ടക്കുട്ടികളുടെ പിതാവായതോടെ മസ്കിന്റെ ആകെ മക്കളുടെ എണ്ണം 9 ആയിരിക്കുകയാണ്. ആദ്യഭാര്യയും കനേഡിയൻ എഴുത്തുകാരിയുമായ ജസ്റ്റിൻ വിൽസണിൽ 5 മക്കളുണ്ട്. കനേഡിയൻ ഗായിക ഗ്രൈമ്സുമായുള്ള ബന്ധത്തിൽ 2 കുട്ടികൾ ജനിച്ചു. വാടകഗർഭധാരണം വഴി ജനിച്ച രണ്ടാമത്തെ കുഞ്ഞിന് എക്സ് ആഷ് എ ട്വൽവ് എന്നു പേരിട്ടത് വലിയ വാർത്തയായിരുന്നു. ഷിവോൺ സിലിസും കനേഡിയൻ വംശജയാണ്.