എത്ര തന്നെ കഷ്ടപ്പെട്ട് പഠിച്ചാലുംജോലി കിട്ടണമെങ്കിൽ ഒരുപാട് കമ്പനികൾ കേറിയിറങ്ങേണ്ടി വരും. ഇതാണ് നമ്മുടെ നാട്ടില്‍ യുവജനത നേരിടുന്ന ഏറ്റവും വലിയ വെല്ലുവിളി എന്നത്. പഠിച്ചിറങ്ങുമ്പോള്‍ തന്നെ മുതല്‍ ജോലി കിട്ടാതെ കമ്പനികള്‍ കയറിയിറങ്ങുന്ന ഒരുപാടുപേർ നമുക്കിടയിൽ തന്നെയുണ്ട്.. ഇത്തരത്തില്‍ ജോലി കിട്ടാതെ അലഞ്ഞ ഒരു യുവാവ് കമ്പനികളെ ആകര്‍ഷിക്കാന്‍ തിരഞ്ഞെടുത്ത വഴിയാണ് ഇപ്പോള്‍ സോഷ്യല്‍മീഡിയയിൽ വൈറലായി മാറിയിരിക്കുന്നത്.

ജോലി കിട്ടാനായി തന്റെ യോഗ്യതകളെഴുതിയ പ്ലാക്കാര്‍ഡുമേന്തി വഴിയോരത്ത് നില്‍പ്പുറപ്പിക്കുകയാണ് പടിഞ്ഞാറന്‍ ആഫ്രിക്കയിലെ ഘാന സ്വദേശിയായ ഐസക് ഖ്വാമേ അഡ്ഡെ എന്ന യുവാവ് ചെയ്തിരിക്കുന്നത്. അങ്ങനെ വിദ്യാഭ്യാസ യോഗ്യതയും ഫോണ്‍നമ്പരുമെഴുതി ഒന്നരമണിക്കൂറോളം ഐസക് പ്ലാക്കാര്‍ഡുമേന്തി നിൽക്കുകയാണ് ചെയ്തത്. മറൈന്‍ സയന്‍സില്‍ ബിരുദധാരിയാണെന്നും ഒരു ജോലി വേണമെന്നുമാണ് ഐസക് പ്ലാക്കാര്‍ഡിലെഴുതിയിരുന്നത്. പിന്നാലെ ജോലി ഒഴിവുണ്ടെങ്കില്‍ വിളിക്കണമെന്നറിയിച്ച് ഫോണ്‍ നമ്പറും കൊടുത്തു.

എന്നാൽ ഇതിന്റെ ചിത്രം ആരോ പകര്‍ത്തി സമൂഹമാധ്യമങ്ങളിലൂടെ പങ്ക് വച്ചതോടെ സമ്മിശ്രപ്രതികരണവുമായി ആളുകള്‍ രംഗത്തെത്തിയിരുന്നു. അങ്ങനെ ഐകഖിന്റെ നിസ്സഹായാവസ്ഥ കണ്ട് ഭൂരിഭാഗം ആളുകളും സഹതപിച്ചപ്പോള്‍ കളിയാക്കലുകളുമായും ആളുകളെത്തിയിരുന്നു. എങ്കിലും അതിനോടകം വ്യാപകമായി ചിത്രം പ്രചരിപ്പിക്കപ്പെട്ടതോടെ ഐസക്കിന്റെ നില്‍പിന് ഫലമുണ്ടായി. 50ഓളം കമ്പനികളില്‍ നിന്നാണ് യുവാവിന് ജോലി വാഗ്ദാനമെത്തിയിരുന്നത്.

അതേസമയം പ്ലാക്കാര്‍ഡുമേന്തി ആദ്യം നിന്ന സ്ഥലത്ത് നിന്ന് കളിയാക്കലുകള്‍ ഏറി നേരിടേണ്ടി വന്നതോടെ ഐസക് മറ്റൊരു സ്ഥലത്തേക്ക് മാറി നില്‍പ്പുറപ്പിക്കുകയാണ് ചെയ്തത്. ഇവിടെയുള്ള ആളുകളില്‍ നിന്ന് ലഭിച്ച പിന്തുണയാണ് അത്രയും നേരം വെയിലത്ത് നില്‍ക്കാന്‍ തന്നെ പ്രേരിപ്പിച്ചതെന്ന് ഐസക് ചൂണ്ടിക്കാണിക്കുകയുണ്ടായി. പ്ലാക്കാര്‍ഡുമേന്തി നില്‍ക്കുന്ന ആ നില്‍പില്‍ തന്നെ മ്പനികള്‍ വീണു എന്നും സായുധസേനയില്‍ ഐസകിന് ഭാവി കാണുന്നു എന്നുമൊക്കെയാണ് ഐസകിന്റെ ഫോട്ടോയ്ക്ക് താഴെ ആളുകള്‍ കുറിച്ചിരിക്കുന്നത്. എന്തായാലും ഒന്നരമണിക്കൂറോളം പൊരിവെയിലത്ത് നിന്നതിന് പ്രയോജനം കണ്ടതില്‍ ഏറെ സന്തുഷ്ടനാണ് ഐസക് ഇപ്പോൾ.