ചര്മ്മത്തില് കുമിളകള് പോലെ തോന്നിക്കുന്ന മുറിവുകള്, കുരങ്ങുപനിയെന്ന് തെറ്റിദ്ധരിച്ച് യുവതിയെ വിമാനത്തില് നിന്ന് ഇറക്കിവിട്ടു, കണ്ണീരോടെ തന്റെ അനുഭവം ടിക് ടോക്ക് വീഡിയോയിലൂടെ പങ്കുവെച്ച് യുവതി
കുരങ്ങുപനിയാണെന്ന് ആരോപിച്ച് എക്സിമ രോഗബാധിതയായ യുവതിയെ വിമാനത്തില് നിന്ന് ഇറക്കിവിട്ടു. അമേരിക്കന് വിമാനമായ സ്പിരിറ്റ് എയര്ലൈന്സില് വച്ചായിരുന്നു യുവതിക്ക് ഈ ദുരനുഭവം ഉണ്ടായത്. ജാക്വലിന് എന്ഗുയെന് എന്ന യുവതി കണ്ണീരോടെയാണ് തന്റെ അനുഭവം അടുത്തിടെ ഒരു ടിക് ടോക്ക് വീഡിയോയില് പങ്കിട്ടത്.
ജീവിതത്തില് തനിക്ക് ഏറ്റവും നാണക്കേട് തോന്നിയ സന്ദര്ഭമായിരുന്നു അതെന്ന് യുവതി വെളിപ്പെടുത്തി. തനിക്ക് കുരങ്ങ് പനിയല്ല മറിച്ച് എക്സിമ എന്ന് ചര്മ്മരോഗമാണ് എന്നവള് അവരെ പറഞ്ഞ് ബോധ്യപ്പെടുത്താന് ശ്രമിച്ചു. ചെറുപ്പം മുതല് ഈ രോഗമുണ്ട്. ഇത് ഒരു പകര്ച്ചവ്യാധിയല്ല. ചര്മ്മത്തില് കുമിളകള് പോലെ തോന്നിക്കുന്ന മുറിവുകള് ഉണ്ടാകുന്നതാണ് രോഗലക്ഷണം. എന്നാല് ഇതിനെ കുരങ്ങ് പനിയായി വിമാനത്തിലെ സ്റ്റാഫ് തെറ്റിദ്ധരിക്കുകയായിരുന്നു.
തനിക്ക് എക്സിമയാണെന്ന് പറഞ്ഞപ്പോള് അത് തെളിയിക്കാന് മെഡിക്കല് രേഖകള് ഹാജരാക്കാനും ജീവനക്കാര് തന്നോട് പറഞ്ഞതായി യുവതി വെളിപ്പെടുത്തി. ഒടുവില് എക്സിമയ്ക്ക് ഉപയോഗിക്കുന്ന ഒരു ഓയിന്മെന്റ് സ്റ്റാഫിനെ കാണിച്ചപ്പോഴാണ് വിമാനത്തില് കയറാന് അനുവദിച്ചത്.വിമാനത്തില് തിരികെ എത്തിയതിന് ശേഷവും മോശം അനുഭവമുണ്ടായതായി അവള് പറയുന്നു.
ഒരു ഫ്ലൈറ്റ് അറ്റന്ഡന്റ് തന്നെ കണ്ടതും മുഖം തിരിച്ച് മാറി നടന്നെന്ന് എന്ഗുയെന് ആരോപിച്ചു. ആദ്യം കുരങ്ങുപനിയുടെ ലക്ഷങ്ങള് എന്താണെന്ന് മനസ്സിലാക്കണം, അതിന് ശേഷം മാത്രമേ പരിശോധനയ്ക്ക് ഇറങ്ങാവൂവെന്നും അവള് കൂട്ടിച്ചേര്ത്തു. സംഭവം ഓണ്ലൈനില് വൈറലായതോടെ പലരും സമാനമായ അനുഭവങ്ങള് പങ്കുവച്ചു.
https://www.facebook.com/Malayalivartha
