കൊറിയൻ നടി യൂ ജൂ ഇന്നിനെ മരിച്ച നിലയിൽ കണ്ടെത്തിയതായി റിപ്പോർട്ട്. 27 വയസായിരുന്നു. യൂ ജൂവിന്റെ ഇൻസ്റ്റാഗ്രാം അക്കൗണ്ടിലൂടെ സഹോദരനാണ് ഇത്തരത്തിൽ മരണവാർത്ത പുറത്തുവിട്ടത്. വിഷാദരോഗബാധിതയായിരുന്നുവെന്നാണ് ലഭ്യമാകുന്ന വിവരം.

ഇതോടൊപ്പം തന്നെ ആത്മഹത്യാക്കുറിപ്പ് കണ്ടെടുത്തിട്ടുണ്ട്. വിഷാദരോഗബാധിതയായിരുന്നുവെന്നാണ് വിവരം. ’വളരെ നേരത്തെ ലോകത്തോട് വിടപറയുകയാണെന്നും ഇത്തരമൊരു തീരുമാനമെടുത്തതിൽ മാതാപിതാക്കളും മുത്തശ്ശിയും സഹോദരനും എന്നോട് ക്ഷമിക്കണം’ എന്ന് യൂ ജൂ ആത്മഹത്യാക്കുറിപ്പിൽ പറയുന്നു.

‘ജീവിക്കരുതെന്ന് എന്റെ ഹൃദയം പറയുന്നു. ഞാനില്ലാതെ നിങ്ങളുടെ ജീവിതം ശൂന്യമായേക്കാം. പക്ഷേ, വിഷമിക്കരുത്. ധൈര്യത്തോടെ മുന്നോട്ട് പോകണം. ഞാനെല്ലാം മുകളിലിരുന്ന് കാണുന്നുണ്ടാകും. ‘ എന്നും യൂ ജൂ കുറിക്കുകയുണ്ടായി. കൊറിയൻ സീരീസുകളായ ബിഗ് ഫോറസ്റ്റ്, ജോസൺ സർവൈവൽ പിരിഡ് തുടങ്ങിയവയിലൂടെയാണ് യൂ ജൂ ഇൻ ഏറെ ശ്രദ്ധനേടിയത്.