ഫേസ്ബുക്ക് സുരക്ഷാ വിവാദങ്ങൾ കൊഴുത്തതോടെ ആളുകള്‍ കൂട്ടമായി അക്കൗണ്ടുകൾ ഉപേക്ഷിക്കാൻ തുടങ്ങിയിരുന്നു. എന്നാൽ അക്കൗണ്ടുകൾ ഡിലീറ്റ് ചെയ്യാതെ തന്നെ ലളിതമായ അഞ്ചു വഴികളിലൂടെ സുരക്ഷിതമാക്കാൻ കഴിയുമെന്നാണ് റിപ്പോർട്ടുകൾ പറയുന്നത്.

1 . സാമൂഹ്യ മാധ്യമങ്ങളിൽ ഉപയോഗിക്കുന്ന പാസ്സ്‌വേർഡുകൾ ഒരുപോലെ ആകരുത്. ഓരോന്നിലും വ്യത്യസ്തമായ പാസ്സ്‌വേർഡുകൾ നല്‌കുക. ഒരേ രീതിയിലുള്ള പാസ്സ്‌വേർഡുകൾ നല്‍കിയാല്‍ ' ഫൂള്‍പ്രൂഫ് ' എന്ന രീതിയിലൂടെ നമ്മുടെ അക്കൗണ്ട് മറ്റൊരാള്‍ക്ക് ഹാക്ക് ചെയ്യാനാകും.

2 . പുതുതായി ആപ്ലിക്കേഷന്‍ ഡൗണ്‍ലോഡ് ചെയ്യുമ്പോൾ അവരുടെ എല്ലാ നിര്‍ദ്ദേശങ്ങള്‍ക്ക് സമ്മതം നൽകരുത് അല്ലെങ്കിൽ ആപ്പ് സെറ്റിങ്ങില്‍ പോയി ഈ അനുവാദങ്ങൾ ഒക്കെ തിരിച്ചെടുക്കുക. സ്മാർട്ട്ഫോണുകളിൽ നമ്മൾ പുതിയ അപ്ലിക്കേഷനുകൾ ഡൗണ്‍ലോഡ് ചെയ്യുമ്പോൾ അറിയാതെയെങ്കിലും നാം വരുടെ നിർദ്ദേശങ്ങൾക്ക് അനുമതി നൽകും. എന്നാൽ ഇത്തരത്തിലുള്ള നിർദ്ദേശങ്ങൾക്കെല്ലാം അനുമതി നൽകുന്നതോടെ അത് നമ്മുടെ സ്വകാര്യ ഡാറ്റകളിലേക്ക്‌ കടന്നു കയറാനുള്ള അനുവാദമാണ് നൽകുന്നത്.

3 . ഫേസ്ബുക്കിലൂടെയുള്ള പരസ്യങ്ങൾ തീർത്തും ഒഴിവാക്കുക. ഇത്തരം പരസ്യങ്ങളിലൂടെ നമ്മുടെ അഭിരുചികൾ ഇവർക്ക് മനസിലാക്കാൻ കഴിയും. അതോടെ ഫേസ്ബുക് സെറ്റിംഗ്സ് വഴി ഇത്തരം പരസ്യങ്ങളുടെ നോട്ടിഫിക്കേഷന്‍ നമ്മുക്ക് ഒഴിവാക്കാനാകും.

4 . സാമൂഹ്യമാധ്യമങ്ങളിൽ എല്ലാ വിവരണങ്ങളും ഇടാതിരിക്കുക. ചിത്രങ്ങള്‍, വീഡിയോ തുടങ്ങിയവ ഫേസ്ബുക്കിൽ ഇടുന്നതോടെ പിന്നീട് നമ്മുക്ക് തന്നെ വിനയായി വന്നേക്കും.

5 . എല്ലാ സാമൂഹ്യമാധ്യമങ്ങളിലും സുരക്ഷാ ക്രമീകരണങ്ങൾ ഉണ്ട് അത് കൃത്യമായും ഉപയോഗിക്കുക. സെക്യൂരിറ്റിയില്‍ ചെന്ന ശേഷം ഈ സൗകര്യം ഓണ്‍ ആക്കിയാല്‍. നമ്മുടെ ഫോണിലേക്ക് ഒരു കോഡ് നമ്പർ വരും. ഓരോ ലോഗിനും ഇതേ രീതിയില്‍ കോഡ് നമ്പർ ലഭിക്കും. ഈ രീതി പിന്തുടര്‍ന്നാല്‍. മറ്റൊരാള്‍ക്കും നമ്മുടെ അക്കൗണ്ടിലേക്ക് പ്രവേശിക്കാനാകില്ല.