ലോകത്തിലെ ഏറ്റവും വലിയ വീഡിയോ സ്ട്രീമിങ് സൈറ്റായ യുട്യൂബിൽ തോക്കു നിർമ്മിക്കുന്ന വിഡിയോകൾ ഇനി മുതൽ ലഭിക്കില്ല. ഇത്തരത്തിലുള്ള വിഡിയോകളെ യൂടൂബ് തീർത്തും നിരോധിച്ചിരിക്കുകയാണ്.

തോക്കോ അനുബന്ധ ഉപകരണങ്ങളോ, മാരക സ്ഫോടക ശേഷിയുള്ള ഉല്‍പ്പന്നങ്ങളോ നിര്‍മ്മിക്കുന്ന വീഡിയോകള്‍ ഇനിമുതല്‍ പ്രചരിപ്പിക്കണ്ടയെന്നാണ് യൂടൂബിന്റെ തീരുമാനം. ഇതുമായി ബന്ധപ്പെട്ട നിബന്ധനകള്‍ യൂടൂബ് ഇതിനോടകം തന്നെ സൈറ്റില്‍ അപ്ഡേറ്റ് ചെയ്തു കഴിഞ്ഞു.

കഴിഞ്ഞ വര്‍ഷം മാത്രം ലക്ഷക്കണക്കിന് ആളുകളാണ് തോക്ക് നിര്‍മിക്കുന്ന വീഡിയോ സന്ദര്‍ശിക്കാനായി യൂടൂബിലേയ്ക്ക് എത്തിയത്. ഇത് അന്താരാഷ്ട്ര തലത്തില്‍ വലിയ വിമര്‍ശനങ്ങള്‍ക്ക് വഴിവച്ചിരുന്നു. അതുകൊണ്ടുതന്നെയാണ് ഗൂഗിള്‍ ഉടമസ്ഥതയിലുള്ള യൂടൂബിന് ഇത്തരത്തിലൊരു തീരുമാനത്തിലേയ്ക്കെത്താന്‍ നിര്‍ബന്ധിതമായത്.