ന്യായീകരണങ്ങള് പിതാവിനെ കൂടുതല് വെട്ടിലാക്കി; കന്യാസ്ത്രീയുമായി നല്ല സൗഹൃദമാണെന്ന് ബിഷപ്പ് കാരണങ്ങള് നിരത്തിയപ്പോള് മൊഴികളെല്ലാം തെളിവുപയോഗിച്ച് പൊളിച്ച് പോലീസ്; വാദങ്ങള് പൊളിഞ്ഞതോടെ വെളിച്ചത്തായത് നാറുന്ന പീഡന വിവരങ്ങള്; അവസാന നിമിഷം വരെ പൊരുതിയ ഫ്രാങ്കോയെ കുടുക്കിയത് സ്വന്തം മൊഴി
ബിഷപ്പ് ഫ്രാങ്കോ മുളയ്ക്കനെ കുടുക്കിയത് സ്വന്തം മൊഴികള് തന്നെയാണ്. മാത്രമല്ല രണ്ടാം ഘട്ടത്തില് പോലീസ് നടത്തിയ തെളിവ് ശേഖരണവും ഫ്രാങ്കോയ്ക്ക് വിനയായി. ചോദ്യം ചെയ്യലില് പ്രതിരോധിച്ച് നില്ക്കാന് ശ്രമിച്ചെങ്കിലും പലയിടത്തും ബിഷപ്പിന് അടിതെറ്റി. അന്വേഷണ സംഘം തെളിവ് നിരത്തിയുള്ള ചോദ്യം ചെയ്യലില് ബിഷപ്പിന് പിടിച്ചുനില്ക്കാനായില്ല. പീഡനം നടന്ന ദിവസങ്ങളില് കുറവിലങ്ങാട് മഠത്തില് താമസിച്ചതിന്റെ രേഖകള് നിരത്തിയതോട് ബിഷപ്പിന്റെ അടിതെറ്റി.
ബലാത്സംഗത്തെപ്പറ്റിയുള്ള ചോദ്യങ്ങള് ഉത്തരം പറഞ്ഞ് തുടങ്ങിയപ്പോള് അതവസാനിച്ചത് പ്രകൃതി വിരുദ്ധ പീഡനത്തെപ്പറ്റിയുള്ള ചോദ്യങ്ങള്. ഇതോടെ ബിഷപ്പ് തളര്ന്ന് പോയി. പക്ഷെ വീണ്ടും പ്രതിരോധം തീര്ത്തു.
കന്യാസ്ത്രീയുടെ പരാതിക്ക് കാരണം അച്ചടക്കനടപടിയാണെന്ന ബിഷപ്പിന്റെ ആരോപണവും അന്വേഷണ സംഘം പൊളിച്ചു. 2017 മെയില് അച്ചടക്ക നടപടി സ്വീകരിച്ചതിനെ തുടര്ന്ന് തന്നോട് പകവീട്ടുകയാണ് കന്യാസ്ത്രീ എന്നായിരുന്നു ബിഷപ്പ് വാദിച്ചിരുന്നത്. എന്നാല് 2016 സെപ്റ്റംബറില് അട്ടപ്പാടിയിലെ ധ്യാനകേന്ദ്രത്തില് കുമ്പസാരത്തിനിടെ കന്യാസ്ത്രീ പീഡനവിവരം തുറന്നുപറഞ്ഞതായി പോലീസ് കണ്ടെത്തി.
ഏതാനും വൈദികരോടും അന്ന് കന്യാസ്ത്രീ ഇക്കാര്യം പറഞ്ഞിരുന്നു. പീഡനം നടന്നുവെന്ന് പറയുന്ന ദിവസം കുറവിലങ്ങാടുള്ള മിഷന് ഹോമില് താന് താമസിച്ചിട്ടില്ലെന്നും അന്ന് താമസിച്ചത് മുതലക്കോടം മഠത്തിലായിരുന്നുവെന്നുമായിരുന്നു ബിഷപ്പിന്റെ വാദം. എന്നാല് കുറവിലങ്ങാട്ടെ മിഷന് ഹോമില് ബിഷപ്പ് വന്നതിന്റെ രേഖകള് പോലീസ് കണ്ടെത്തിയിരുന്നു. മുതലക്കോടം മഠത്തില് ബിഷപ്പ് താമസിച്ചതായി രേഖകളില്ല. അവിടെയുള്ള മുതിര്ന്ന കന്യാസ്ത്രീ ബിഷപ്പ് താമസിച്ചിട്ടില്ലെന്ന് മൊഴിയും നല്കി.
മിഷിണറീസ് ഓഫ് ജീസസിന്റെ ഭരണകാര്യങ്ങളില് ജലന്തര് രൂപത ഇടപെടാറില്ലെന്നായിരുന്നു ബിഷപ്പ് വാദിച്ചത്. താന് ആത്മീയ ഗുരുമാത്രമായരുന്നു മദര് ജനറാളിനാണ് പൂര്ണ ചുമതലയെന്നും ബിഷപ്പ് പറഞ്ഞിരുന്നു. ഈ വാദവും പോലീസ് പൊളിച്ചു. കന്യാസ്ത്രിമാര്ക്കെതിരെ അച്ചടക്ക നടപടി എടുക്കണമെന്നും അതു സംബന്ധിച്ചു തനിക്കു റിപ്പോര്ട്ട് ചെയ്യണമെന്നും കാണിച്ച് ബിഷപ്പ് മദര് ജനറാളിന് അയച്ച കത്തും നടപടി വൈകിയപ്പോള് മദര് ജനറാളിനെ ഓര്മപ്പെടുത്തിയ കത്തും പോലീസിന് ലഭിച്ചിരുന്നു.
തുടര്ന്ന് ആദ്യ പരാതിയില് കന്യാസ്ത്രീ ലൈംഗിക പീഡനം എന്ന് പറഞ്ഞിട്ടില്ലെന്ന് ബിഷപ്പ് വാദിച്ചു. എന്നാല് ആദ്യ പരാതി മറ്റൊരാള് വഴിയാണ് നല്കിയതെന്നും വിവരങ്ങള് പുറത്ത് പോകാതിരിക്കാനാണ് പീഡനവിവരം മറച്ചുവെച്ചതെന്നും മേലധികാരികളോട് പീഡനം നടന്നു എന്ന് തുറന്ന് പറഞ്ഞിരുന്നതായും പോലീസ് വ്യക്തമാക്കി. എന്നാല് ഉത്തരം മുട്ടിയ ബിഷപ്പ് കന്യാസ്ത്രീയെ അറിയില്ലെന്നും പറഞ്ഞു. എന്നാല് ബിഷപ്പും കന്യാസ്ത്രീയും ബന്ധുവിന്റെ മാമോദീസ ചടങ്ങില് ഒരുമിച്ച് നില്ക്കുന്ന ഫോട്ടോയും വീഡിയോയും കാണിച്ച് ബിഷപ്പിന്റെ ആ വാദവും പോലീസ് പൊളിച്ചു.
https://www.facebook.com/Malayalivartha
