അപകടരഹിത ഡ്രൈവിങ് ലക്ഷ്യമിട്ട് സംസ്ഥാനത്തെ മുഴുവന് സ്കൂള് ബസിലും തിങ്കളാഴ്ച മുതല് ജി.പി.എസ് സംവിധാനം നിലവില് വരും
സംസ്ഥാനത്തെ മുഴുവന് സ്കൂള് ബസിലും തിങ്കളാഴ്ച മുതല് ജി.പി.എസ് സംവിധാനം നിലവില് വരും. ആദ്യഘട്ടമായി സ്കൂള് ബസുകളിലും തുടര്ന്ന് സ്വകാര്യ കെ.എസ്.ആര്.ടി.സി ബസുകളിലും ടാങ്കറുകളിലും ചരക്കുവാഹനങ്ങളിലും ഇത് നിര്ബന്ധമാക്കും. നിശ്ചിത ദിവസത്തിനകം ജി.പി.എസ് ഘടിപ്പിക്കാത്ത വാഹനങ്ങള് നിരത്തിലിറക്കാന് അനുവദിക്കില്ലെന്ന മുന്നറിയിപ്പും ഗതാഗത കമീഷണര് നല്കി. ഇത്തരം വാഹനങ്ങള്ക്ക് പരിശോധന സര്ട്ടിഫിക്കറ്റ് നല്കില്ല. ഡ്രൈവര്മാരുടെ അശ്രദ്ധകൊണ്ടും അല്ലാതെയും സ്കൂള് വാഹനങ്ങള് നിരന്തരം അപകടത്തില്പെടുന്ന സാഹചര്യത്തിലാണ് ഈ നടപടി. ഇതിന് വെഹിക്കിള് ട്രാക്കിങ് മാനേജ്മന്റെ് സിസ്റ്റം എന്ന സോഫ്റ്റ്വെയറിന് രൂപം നല്കിയിരുന്നു.
തലസ്ഥാനത്തെ ഗതാഗത കമീഷണറേറ്റിലാവും കേന്ദ്രീകൃത കണ്ട്രോള് റൂം പ്രവര്ത്തിക്കുക. മുഴുവന് ആര്.ടി.ഒ ഓഫിസിലും ഈ സംവിധാനം സ്ഥാപിച്ചു. ഇതിലൂടെ എല്ലാ വാഹനങ്ങളും നിരീക്ഷിക്കാന് മോട്ടോര് വാഹനവകുപ്പ് ഉദ്യോഗസ്ഥര്ക്ക് കഴിയും. അപകടരഹിത െ്രെഡവിങ്ങാണ് ലക്ഷ്യമിടുന്നത്. അമിതവേഗത്തില് പായുന്ന വാഹനങ്ങള് പിടികൂടുന്നതോടൊപ്പം അപകടസാധ്യത കണ്ടെത്താനും സംശയകരമായ സാഹചര്യത്തില് നിര്ത്തിയിടുന്നതും ഈ സംവിധാനത്തിലൂടെ കാണാനാവും.
പെണ്കുട്ടികള്ക്ക് നേരെയുള്ള അതിക്രമങ്ങള്, അനാവശ്യ പ്രവണതകള്, മോശം പെരുമാറ്റങ്ങള് എന്നിവയെല്ലാം മാസ്റ്റര് കണ്ട്രോള് റൂമില് അറിയാനാവും. വിവരങ്ങളുടെ സന്ദേശം എസ്.എം.എസ് ആയി വകുപ്പ് ആസ്ഥാനത്തിന് പുറമെ സ്കൂള് അധികൃതര്ക്കും പൊലീസിനും മോട്ടോര് വാഹന വകുപ്പ് ഉദ്യോഗസ്ഥര്ക്കും ലഭിക്കും. രക്ഷിതാക്കള്ക്കും ബസിന്റെ ഗതി അറിയാനാവും.
സംവിധാനം നിലവില്വരുന്നതോടെ വാഹന പരിശോധന കര്ശനമാക്കാന് ഗതാഗത വകുപ്പ് കമീഷണര് നിര്ദേശം നല്കി. 15 കമ്പനിയുടെ മോഡലുകളാണ് ഗതാഗത വകുപ്പ് അംഗീകരിച്ചിട്ടുള്ളത്. ഇതില് ഇഷ്ടമുള്ളത് വാഹന ഉടമകള്ക്ക് തെരഞ്ഞെടുക്കാം.
"
https://www.facebook.com/Malayalivartha
