പി.ജെ. ജോസഫ് ഉന്നമിടുന്നതും, പടവെട്ടുന്നതും കണക്കുകൂട്ടിത്തന്നെ; മകന് അപ്പുവിനുവേണ്ടി ജോസ് കെ മാണിയെ വെട്ടാനിറങ്ങി പുലിവാല് പിടിച്ചു പി. ജെ ജോസഫ്
05 MARCH 2019 11:38 PM IST
മലയാളി വാര്ത്ത
പി.ജെ. കോട്ടയം പാര്ലമെന്റിലേക്ക് ചാടിയാല് പുത്രന് അപ്പുവിനെ തൊടുപുഴയില് മത്സരിപ്പിക്കാനാണ് പ്ലാന്. ഈയടുത്തകാലത്തു തുടങ്ങിയ കുടുംബട്രസ്റ്റിന്റെ സെക്രട്ടറിയാക്കിയതും, ഇപ്പോള് പൊതുരംഗത്ത് സജീവമാക്കിയതും ഈ ഉദ്ദേശം വച്ചുതന്നെ. വഴിത്തലയിലെ വീട്ടില്നിന്നും അപ്പു തൊടുപുഴയിലെ ഫ്ളാറ്റിലേയ്ക്ക് മാറിയതും, രാഷ്ട്രീയ ലക്ഷ്യങ്ങള് മുന്നില് കണ്ടുതന്നെ. ജോസഫ് ഗ്രൂപ്പ് നേതാക്കളുമായി കൂടുതല് ചങ്ങാത്തത്തിലാകാന് ഇതുവഴി കഴിഞ്ഞു. കഴിഞ്ഞ യു.പി.എ കാലഘട്ടത്തില് മന്ത്രിപദം കപ്പിനും ചുണ്ടിനുമിടയില് കേരളത്തിലെ കോണ്ഗ്രസുകാര് ജോസ് കെ. മാണിക്കു നഷ്ടമാക്കി. ഇപ്പോള് രാജ്യസഭാമെമ്പറായ ജോസിന് ഇനിയൊരു യു.പി.എ ഭരണമുണ്ടായാല് മന്ത്രിപദം ഉറപ്പുതന്നെ. ജോസ് കെ. മാണി കസറിയാല് പിന്നെ പി.ജെക്കത് കണ്ട് നില്ക്കാന് കഴിയില്ല. അതുകൊണ്ട് ഇക്കുറി തൊടുപുഴകളരിയില് പരിശീലിപ്പിച്ച് അടുത്ത നിയമസഭയില് കേരളത്തില് അപ്പുവിനെക്കൂടി മന്ത്രിയാക്കുക. ഗ്രൂപ്പില് മന്ത്രിക്കുപ്പായവുമിട്ടു നില്ക്കുന്ന മോന്സിനെ വെട്ടി ദൂരെയുമെറിയാം.
പി.ജെ.യെ ദില്ലിക്കയയ്ക്കാന് കച്ചകെട്ടിയിറങ്ങിയ മോന്സിനെ തീര്ക്കുന്ന മറുതന്ത്രം. മാത്രവുമല്ല,ജോസ്. കെ. മാണിക്കൊപ്പം അപ്പുവിനെ പൊക്കിയെടുത്ത് മന്ത്രിയാക്കുക. ഇതുകൊണ്ടു തന്നെയാണ്പി.സി. ജോര്ജ്ജ് എപ്പോഴും പറയുന്നത് പി.ജെ. ജോസഫ് കാഞ്ഞ വിത്താണെന്ന്. പി.ജെ. യുടെ മുന്നില് പാര്ട്ടി ചെയര്മാന്ഷിപ്പു മുതല് വലിയ മോഹങ്ങളുണ്ട്. ജോസ് കെ. മാണി പാര്ട്ടിയില് ശക്തനായി മാറുന്നത് ജോസഫിനു സഹിക്കുന്നില്ല. കേരളയാത്രയില് തുടങ്ങിയ കലിപ്പ് ഇപ്പോള് ഉഗ്രസ്ഥാനത്തായി. ഇനിയും ജോസ്.കെ. മാണിയെ തളച്ചില്ലെങ്കില് പാര്ട്ടിയും കൊണ്ടുപോകും എന്ന്ജോസഫ് ഭയക്കുന്നു. വളരുന്തോറും പിളരുന്ന കേരളാകോണ്ഗ്രസ് പിളര്പ്പുകളുടെ ഒരുവശത്ത് എന്നും പി.ജെ. ജോസഫ് ഉണ്ടായിരുന്നു. കോട്ടയം സീറ്റ് മാത്രമല്ല പാര്ട്ടി ചെയര്മാന് സ്ഥാനവും, പാര്ലമെന്ററി പാര്ട്ടി ലീഡര് സ്ഥാനവുമെല്ലാം ലക്ഷ്യമിട്ടാണ് കളി. അതുകൊണ്ടു തന്നെയാണ് ഒരിഞ്ചു പിന്നോട്ടില്ല എന്ന്ജോസഫ് ആവര്ത്തിക്കുന്നത്.
ജോസഫിന്റേത് കൈവിട്ട കളിതന്നെയാണ്. മുന്പ് 1989 ല് ജോസഫ് ഗ്രൂപ്പിനുവേണ്ടി ഇടുക്കിസീറ്റ് നീക്കി വെച്ചിരുന്നു. പക്ഷേ മൂവാറ്റുപുഴ സീറ്റിനായി ജോസഫ് വാശിപിടിച്ചു, കിട്ടാതെ വന്നപ്പോള് മുന്നണിവിട്ട് ഒറ്റയ്ക്ക് മത്സരിച്ചു, തോല്വി ഏറ്റുവാങ്ങി. കേരള കോണ്ഗ്രസിന് വളക്കൂറുള്ള ഇടുക്കി ഒടുവില് കളഞ്ഞു കുളിച്ചതു മിച്ചം. അന്നേ ജോസഫിന്റെ മനസില് ഉദിച്ചതാണൊരു പാര്ലമെന്റ് മോഹം. ഇക്കുറി ജോസ് കെ. മാണിയെ വെട്ടാനുള്ള ഒരായുധവുമാക്കി മാറ്റി.
ജോസ് കെ. മാണിയെ വെട്ടാനായി ജോസഫ് തൊടുക്കുന്നത് എല്ലാം തകര്ക്കുന്ന വജ്രായുധം തന്നെ. പാര്ട്ടി റിബലായി കോട്ടയത്തു മത്സരിച്ച് പരാജയപ്പെട്ടാല് കേരള രാഷ്ട്രീയത്തിലെ ഒരു ദുരന്ത പര്യവസാനമായി മാറും. ഇതൊഴിവാക്കാനാണ് പാര്ട്ടി ഔദേ്യാഗിക സ്ഥാനാര്ത്ഥിയായി സ്വയം അവരോധിതനാകാനുള്ള നീക്കം. ഇതിപ്പോള് കോണ്ഗ്രസിനും വലിയ തലവേദനയായി. ആദ്യഘട്ടത്തില് ജോസഫിനെ ഇളക്കിയ കോണ്ഗ്രസ് ഇപ്പോള് പുലിവാലു പിടിച്ചപോലായി. കേരള കോണ്ഗ്രസ് പ്രശ്നം സൗമ്യമായി പരിഹരിച്ചില്ലെങ്കില് ഇടുക്കി, പത്തനംതിട്ട സീറ്റുകളിലെ വിജയത്തെ വരെ ഇതു സ്വാധീനിക്കാം. പുകഞ്ഞ് കത്തുകയാണ് കേരളാ കോണ്ഗ്രസ് രാഷ്ട്രീയം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
