നെയ്യാര്‍ ഡാമിന്റെ നാല് ഷട്ടറുകളും ഒരിഞ്ച് വീതംതുറന്നു. ആഗസ്റ്റ് 14, 15 തീയതികളില്‍ ജില്ലയില്‍ കനത്ത മഴ പെയ്യാന്‍ സാധ്യതയുണ്ടെന്ന കാലാവസ്ഥാ പ്രവചനം മുന്‍നിര്‍ത്തിയാണ് നടപടി. കനത്ത മഴ പെയ്താല്‍ നെയ്യാര്‍ ഡാം പെട്ടെന്നു തുറക്കേണ്ട സാഹചര്യം ഇല്ലാതാക്കാനാണ് ഇപ്പോള്‍ തുറക്കുന്നത്.
നേരിയ തോതില്‍ മാത്രം വെള്ളം തുറന്നു വിടുന്നതിനാല്‍ ജലാശയങ്ങളില്‍ ജലനിരപ്പ് പെട്ടെന്ന് ഉയരുന്ന സാഹചര്യം ഉണ്ടാകില്ല. അതിനാല്‍ ആശങ്കപ്പെടേണ്ട കാര്യമില്ലെന്ന് ജില്ല ഭരണകൂടം അറിയിച്ചു. തീരങ്ങളിലെ ജനങ്ങള്‍ക്ക് ജാഗ്രത നിര്‍ദേശം നല്‍കിയിട്ടുണ്ട്.
തിങ്കളാഴ്ച രാത്രി എട്ടിനുള്ള കണക്കു പ്രകാരം 82.02 മീറ്ററാണ് നെയ്യാര്‍ ഡാമിലെ ജലനിരപ്പ്. 84.75 മീറ്ററാണ് പരമാവധി സംഭരണ ശേഷി.