ഗവര്ണര് ആരിഫ് മുഹമ്മദ് ഖാന് സുരക്ഷ ഉറപ്പാക്കുന്നതില് സര്ക്കാര് അനാസ്ഥ കാണിക്കുന്നു; അമിത് ഷായ്ക്ക് കത്ത് അയച്ച് ഒ രാജഗോപാല്
ഗവര്ണര് ആരിഫ് മുഹമ്മദ് ഖാന് നേരെ തുടർച്ചയായി പ്രതിഷേധങ്ങൾ ഉയർന്ന്കൊണ്ടിരിക്കുന്ന സാഹചര്യ ത്തിൽ കേന്ദ്രത്തിന്റെ ഇടപെടൽ ആവശ്യപ്പെട്ട് കേരളത്തിലെ ബിജെപി നേതൃത്വം.
ഗവര്ണര് ആരിഫ് മുഹമ്മദ് ഖാന് സുരക്ഷ ഉറപ്പാക്കുന്നതില് സര്ക്കാര് അനാസ്ഥ കാണിക്കുവെന്നാരോപിച്ച് ഒ രാജഗോപാല് എംഎല്എ ആഭ്യന്തരമന്ത്രി അമിത് ഷായ്ക്ക് കത്തയച്ചു. ഗവര്ണര്ക്ക് നേരെ തുടര്ച്ചയായി ആക്രമണങ്ങള് ഉണ്ടാകുന്നു. അദ്ദേഹത്തിന് നേരെ കഴിഞ്ഞ ദിവസം ഉണ്ടായ കയ്യേറ്റ ശ്രമം കേരളത്തിലെ ഭരണ തകര്ച്ചയാണ്.
ഗവര്ണര്ക്ക് സംരക്ഷണം ഒരുക്കുന്നതില് പൊലീസ,് കാണിക്കുന്ന അനാസ്ഥയും നിരുത്തരവാദിത്വവും ഫെഡറല് വ്യവസ്ഥയ്ക്ക് ഭീഷണിയാണെന്നും കത്തില് പറയുന്നു. കേരളാ ഗവര്ണറെ മാത്രമല്ല ലക്ഷ ദ്വീപിലേക്കുള്ള യാത്രാമധ്യേ കേരളത്തിലെത്തിയ മണിപ്പൂര് ഗവര്ണര് നജ്മ ഹെപ്തുള്ളയ്ക്ക് നേരെ മാര്ഗ തടസമുണ്ടാക്കാന് ശ്രമം നടന്നെന്നും കത്തില് വ്യക്തമാക്കുന്നു. കര്ണാടക മുഖ്യമന്ത്രി ബി എസ് യെദിയൂരപ്പ കേരളത്തിലെത്തിയപ്പോഴും പല സ്ഥലങ്ങളില് വഴി തടയല് നേരിട്ടുവെന്നും കത്തില് ആരോപിക്കുന്നു.
കണ്ണൂരിൽ ചരിത്ര കോൺഗ്രെസ്സിനിടെ ഗവർണർ ആരിഫ് മുഹമ്മദ് ഖാനെതീരെ നടന്ന പ്രതിഷേധം പരിധികൾ ലംഘിച്ചു എന്നാരോപണം ഉയർന്നിരുന്നു. പൗരത്വ ബില്ലിനെ അനുകൂലിച്ചുള്ള ഗവർണറുടെ നിലപാട് അദ്ദേഹം വ്യക്തമാക്കിയതിന് ശേഷം നിരവധി പ്രതിഷേധങ്ങളെയാണ് അദ്ദേഹത്തിന് അഭിമുഖീകരിക്കേണ്ടി വന്നത്. അത് ഗവർണർ തന്നെപല അഭിമുഖങ്ങളിലും വ്യക്തമാക്കുകയൂം ചെയ്തിഉരുന്നു. ഈ സാഹചര്യത്തിലാണ്ബിജെപിയുടെ നീക്കമെന്ന് വേണം അനുമാനിക്കാൻ.
https://www.facebook.com/Malayalivartha
