സിഎജി റിപ്പോര്ട്ടിന് പിന്നാലെ ഉണ്ടായ വിവാദങ്ങൾ ഇടത് മുന്നണിയോഗം ചര്ച്ച ചെയ്യാത്തത് അപഹാസ്യം; വിമർശനവുമായി കെപിസിസി പ്രസിഡന്റ് മുല്ലുപ്പള്ളി രാമചന്ദ്രൻ
ഇടത് മുന്നണിയെ വിമർശിച്ച് കെപിസിസി പ്രസിഡന്റ് മുല്ലുപ്പള്ളി രാമചന്ദ്രൻ രംഗത്ത്. പൊലീസ് അഴിമതിയെ കുറിച്ചുള്ള സിഎജി റിപ്പോര്ട്ട് പുറത്തുവന്നതും ഇതിന് പിന്നാലെ വന്ന ഉണ്ടായ വിവാദങ്ങളും ഇടത് മുന്നണിയോഗം ചര്ച്ച ചെയ്യാത്തത് അപഹാസ്യമാണെന്നും കെപിസിസി പ്രസിഡന്റ് മുല്ലുപ്പള്ളി രാമചന്ദ്രൻ പറഞ്ഞു. സിപിഎം സംസ്ഥാന സമിതിയും സംസ്ഥാന സെക്രട്ടേറിയറ്റും ഈ വിഷയങ്ങൾ ചര്ച്ച ചെയ്തില്ലെന്നും അദ്ദേഹം ആരോപിച്ചു.
മുഖ്യമന്ത്രിക്കെതിരെ ഉയരുന്ന ആരോപണങ്ങളില് ഇടതു നേതാക്കള് ജനാധിപത്യരീതിയില് അഭിപ്രായം പോലും രേഖപ്പെടുത്താത് വിചിത്രമാണെന്ന കാര്യം ചൂണ്ടിക്കാട്ടി . . മുഖ്യമന്ത്രിക്ക് മുന്നിൽ മുട്ട് മടക്കി നിൽക്കുന്ന നേതാക്കളാണ് ഇടത് മുന്നണിക്ക് നേതൃത്വം നൽകുന്നതെന്നും മുല്ലപ്പള്ളി രാമചന്ദ്രൻ പറഞ്ഞു. സിപിഎമ്മും ഇടത് മുന്നണിയും ജനകീയ വിഷയങ്ങളിൽ നിന്ന് ഒളിച്ചോടുകയാണെന്നും അടിസ്ഥാന രഹിതമായ ആരോപണങ്ങൾക്ക് പോലും വലിയ സമര പരിപാടികൾ നടത്താറുള്ള കാര്യം ഇടത് മുന്നണി മറക്കരുതെന്നും മുല്ലപ്പള്ളി വ്യക്തമാക്കി.
https://www.facebook.com/Malayalivartha