പൂന്തുറ പോലീസ് സ്റ്റേഷനിലെ എസ്.ഐ.യ്ക്ക് കോവിഡ് സ്ഥിരീകരിച്ചു....സ്രവം പരിശോധനയ്ക്കായി എടുത്ത ശേഷം തുടര്‍ച്ചയായി ആറു ദിവസവും ഇദ്ദേഹം ഡ്യൂട്ടിയിലുണ്ടായിരുന്നു, ജൂനിയര്‍ എസ്.ഐ.യുമായി ഇടപഴകിയ പോലീസുകാരുള്‍പ്പെടെയുള്ളവരോട് നിരീക്ഷണത്തില്‍ പോകാന്‍ നിര്‍ദ്ദേശം, പോലീസുകാര്‍ ആശങ്കയില്‍
പൂന്തുറ പോലീസ് സ്റ്റേഷനിലെ എസ്.ഐ.യ്ക്ക് കോവിഡ് സ്ഥിരീകരിച്ചു....സ്രവം പരിശോധനയ്ക്കായി എടുത്ത ശേഷം തുടര്‍ച്ചയായി ആറു ദിവസവും ഇദ്ദേഹം ഡ്യൂട്ടിയിലുണ്ടായിരുന്നു, ജൂനിയര്‍ എസ്.ഐ.യുമായി ഇടപഴകിയ പോലീസുകാരുള്‍പ്പെടെയുള്ളവരോട് നിരീക്ഷണത്തില്‍ പോകാന്‍ നിര്‍ദ്ദേശം, പോലീസുകാര്‍ ആശങ്കയില്‍. കഴിഞ്ഞ നാലിനാണ് ജൂനിയര്‍ എസ്.ഐ.യുടെ ഉള്‍പ്പെടെ നാല്‍പ്പതിലേറെ പോലീസുകാരുടെ സ്രവം പരിശോധനയ്ക്കായി എടുത്തത്.
വെള്ളിയാഴ്ചയാണ് ജൂനിയര്‍ എസ്.ഐ. കോവിഡ് പോസിറ്റീവാണെന്ന ഫലം ലഭിച്ചത്. രാത്രി പത്തു മണിയോടെ ഇദ്ദേഹത്തെ ആശുപത്രിയിലേക്കു മാറ്റി. സ്രവമെടുത്ത ശേഷം തുടര്‍ച്ചയായി ആറു ദിവസവും ഇദ്ദേഹം ഡ്യൂട്ടിയിലുണ്ടായിരുന്നു.ദിവസങ്ങള്‍ക്കു മുന്‍പ് പോലീസുകാരുടെ സ്രവം പരിശോധനയ്ക്കായി എടുത്തെങ്കിലും ഇവര്‍ ഡ്യൂട്ടിയില്‍ തുടരുകയായിരുന്നു. പരിശോധനാഫലം പോസിറ്റീവായതോടെ ജൂനിയര്‍ എസ്.ഐ.യുമായി ഇടപഴകിയ പോലീസുകാരുള്‍പ്പെടെയുള്ളവരോട് നിരീക്ഷണത്തില്‍ പോകാന്‍ നിര്‍ദ്ദേശിച്ചിട്ടുണ്ട്.
50 പേരാണ് ഇദ്ദേഹത്തിന്റെ പ്രാഥമിക സമ്പര്‍ക്കപ്പട്ടികയിലുള്ളത്. പത്ത് പോലീസുകാരോടാണ് നിലവില്‍ നിരീക്ഷണത്തില്‍ പോകാന്‍ സ്റ്റേഷന്‍ എസ്.ഐ. നിര്‍ദ്ദേശിച്ചിരിക്കുന്നത്. ബാക്കിയുള്ളവര്‍ ഡ്യൂട്ടിയില്‍ തുടരുകയാണ്. കോവിഡ് സ്ഥിരീകരിച്ച ജൂനിയര്‍ എസ്.ഐ. വെള്ളിയാഴ്ച കുമരിച്ചന്ത ജങ്ഷനില്‍ ഡ്യൂട്ടിയിലുണ്ടായിരുന്നു. നഗരത്തിലെ അതിതീവ്ര കണ്ടെയ്ന്‍മെന്റ് പ്രദേശങ്ങളില്‍ ഒന്നാണ് പൂന്തുറ. ഇവിടെ എസ്.ഐ.യ്ക്ക് കോവിഡ് പോസിറ്റീവായതോടെ പോലീസുകാര്‍ ആശങ്കയിലായിരിക്കുകയാണ്. ശനിയാഴ്ച സ്റ്റേഷനില്‍ അണുനശീകരണം നടത്തും.
r
https://www.facebook.com/Malayalivartha
